Elordanyń bas sanitarlyq dárigeri Sarhat Beisenova qala turǵyndary jii koronavirýs juqtyrǵan oryndardy atady, dep habarlaidy "Ult aqparat".
«Sońǵy 19 kúnde qalamyzda táýligine 1,5 myńnan astam aýrý tirkelgen. Qazirgi ýaqytta bazarlar, saýda ortalyqtary, qoǵamdyq kólikter, meiramhana, kafe-bar, eńbek ujymdary jáne saiabaqtar men demalys oryndary negizgi aýrý juqtyratyn jerler bolyp qala beredi», - dedi Beisenova elorda ákimdiginde ótken brifingide.
Spikerdiń aitýynsha, bazardaǵy juqtyrý 7%-dan 15%-ǵa deiin, saýda nysandarynda – 19%-dan 24%-ǵa deiin, keńselerde – 13%-dan 28%-ǵa deiin, saiabaqtar men demalys aimaqtarynda – 15%-dan 18%-ǵa deiin, sondai-aq 0,8%-dan 7%-ǵa deiin – naýqastar úilený toilaryn jáne t.b. buqaralyq is-sharalardy ótkizýge qatysqan. Naýqastardyń 8%-y qoǵamdyq kólikti turaqty paidalanady.
Aita keteiik, elordada COVID-19 boiynsha epidemiologiialyq jaǵdai qolaisyz. Bes ai boiy qala «qyzyl» aimaqta tur, sońǵy 13 kúnde infektsiialyq statsionarlar júktemesi 70%-dan asyp jáne 100 myń turǵynǵa shaqqanda tósek-orynnyń tolý kórsetkishi 200-den joǵary bolǵandyqtan Nur-Sultan «qoiý qyzyl aimaqta» boldy.
