Qazaqstanda tótenshe jaǵdai rejimi aiaqtalǵannan keiin saýda nysandarynda sanitarlyq tekseris jumystary bastalady. Bul týraly Nur-Sultan qalasynyń bas sanitar dárigeri Janna Pralieva málim etti, dep habarlaidy "Ult aqparat".
«Karantin ýaqytynda saýda nysandaryna júrgiziletin josparly jáne jospardan tys tekserýler toqtap qalǵan edi. Biz qazir shekteý sharalarynyń rejimin saqtaý aiasynda tek monitoring júrgizip otyrmyz», - dedi Janna Pralieva onlain rejimdegi baspasóz máslihaty barysynda.
Onyń aitýynsha, jaqynda saýda nysandarynda sanitarlyq tekseris qaita bastalady.
«Tótenshe jaǵdai rejimi kezinde saýda nysandaryna qatysty 476-bapqa sáikes ákimshilik sharalardy qoldanyp keldik. Qazirgi ýaqytta prokýratýra organy, atap aitqanda Bas prokýratýranyń esep jáne baqylaý statistikasy boiynsha arnaiy ýákiletti organy men bizdiń komitet saýda nysandaryn ary qarai jandandyrý máselesin sheship jatyr», - dedi Janna Pralieva.
