QR Ekologiia, geologiia jáne tabiǵi resýrstar ministrligi ákimdiktermen, memlekettik organdarmen birige otyryp Almaty men Nur-Sultan qalalarynyń ekologiialyq problemalaryn keshendi túrde sheshýdiń jol kartasyn jasady, dep habarlaidy QazAqparat tilshisi.
Qazir bul joba Úkimet qaraýynda.
Karta birneshe bloktan turady:
1-blokta kómirmen energiia shyǵaratyn kásiporyndardyń ziiandy zattaryn azaitý. JEO-2, JEO-3 ortalyqtaryn qaita jańǵyrtý, gaz qubyrlarynyń qurylysy, sý jylytý qazandyqtaryn aýystyrý, Almatyny gazdandyrý, jeke tulǵalarǵa elektr energiiasynyń túngi tarifin ózgertý qarastyrylǵan.
2-blokta aýa tsirkýliatsiiasynyń buzylý qaýpiniń aldyn alý. Qalanyń sáýlettik beinesine, bas josparyna jel rejimin eskere otyryp ózgeris engizý.
3-blokta aǵashty kesý máselesine qoǵamdy belsendi aralastyrý, kesilgen aǵashtardyń ornyna ótem retinde aǵash otyrǵyzý tetigin qaita qaraý, jasyl jelektiń pasporttalýyn júrgizý.
4-blokta avtokólikterdiń ziiandy zattaryn shekteý, tehnikalyq baqylaý qyzmetiniń operatorlaryna talapty kúsheitý, Almaty men Nur-Sultanda ziiandy zattardy baqylaý jáne taldaýǵa múmkindik beretin zerthanalardy salý, dizeldik otynmen júretin qalalyq avtobýstardy paidalanýǵa kezeń-kezeńimen tyiym salý, «Sergek» kameralary arqyly Almaty men Nur-Sultan qalasyna kirip shyǵýǵa ruqsat júiesin jasaý, elektromobilderge bólek tegin turaq oryndaryn uiymdastyrý kózdelgen.
