Nur-Sultan men Almaty qalalarynda karantin rejimin qamtamasyz etý jónindegi is-sharalar aiasynda QR QK áskeri qyzmetshileri politsiia jáne Ulttyq ulan ókilderimen birge blok-beketterde qyzmet atqarady, dep habarlaidy "Ult aqparat" Qorǵanys ministrligine silteme jasap.
Karantindik aimaqtarǵa kirý men shyǵýdyń shektelýin saqtaý úshin atqarylatyn birlesken qyzmet 2020 jyldyń 19 naýryzynan bastap Ishki ister ministrliginiń basshylyǵymen uiymdastyryldy.
Ótken táýlikte Nur-Sultan qalasynyń aýmaǵyndaǵy blok-beketterde Qarýly Kúshter áskeri qyzmetshileri atqaratyn qyzmetterdiń uiymdastyrylýyn Qorǵanys ministri general-maior Nurlan Ermekbaev pen QR QK Bas shtaby bastyǵy general-maior Murat Bektanov tekserdi. Tekserý barysynda áskeri qyzmetshilerdiń moraldyq-psihologiialyq jaǵdaiyna kóńil bólý, olardyń barlyq kerek-jaraqpen qamtamasyz etilýi, qyzmet kezindegi kez-kelgen jaǵdaida óziniń is-qimyl tártibin bilýi basty nazarǵa alyndy.
Buryn aitylǵandai, nysandardy dezinfektsiialaityn bólimshelerden basqa Qarýly Kúshterden blok-beketterin kúsheitý úshin tiisti daiyndyqtan ótken jáne osyndai is-qimylda tájiribesi bar Desanttyq-shabýyldaý áskerleriniń kelisimshart boiynsha áskeri qyzmetshileri, bitimgershilik polki jáne áskeri politsiia tartylady.
