Nur-Sultan men Almatyda koronvirýsqa saraptama alatyn qorshaýlar paida bolady. Bul jaiynda QR DSM Dárilik zattar jáne meditsinalyq buiymdar ulttyq saraptama ortalyǵynyń bas direktory Arnur Nurtaev aitty, dep habarlaidy "Ult aqparat".
«Búgingi kúni bizdiń sanitarlyq-epidemiologiialyq qyzmetimiz epidemiologiialyq zertteý, bailanysta bolǵan tulǵalardyń aiasyn anyqtaý, barý jáne materialdar alý bóliginde barynsha tiimdi jumys istep jatyr. Shatyr nemese qorshaý beketin qoiýdyq esh qajettigi joq», - dedi ol onlain brifing barysynda.
Onyń atap ótýinshe, júie búgingi kúni atalǵan beketterdi qurmastan-aq talap etilgen kólemdi, úlgilerdi jinaýǵa qaýqarly.
«Degenmen, mundai mobildy beketter qoiǵysy kelip otyrǵan metsanattar bar ekendigin bilemin. Olarǵa kóp rahmet. Olar taiaý ýaqytta Nur-Sultan men Almaty qalalarynda ornatylady. Sebebi, osy eki qalada naýqastar barynsha kóp tirkelgen», - dedi Arnur Nurtaev.
Sonymen qatar, ol Qazaqstanǵa mundai beketterdiń úlken kólemde qajet bolmaityndyǵyna úmit artatyndyǵyn basa aitty.
