Nur-Sultan men Almaty qalalarynda barlyq kólik turaqtary tegin bolady. Bul týraly Densaýlyq saqtaý ministrligi Taýarlar men kórsetiletin qyzmetterdiń sapasyn baqylaý komitetinen málim etti, dep habarlaidy "Ult aqparat".
«Koronavirýstyń taralýyna bailanysty Qazaqstan Respýblikasynyń aýmaǵynda engizilgen tótenshe jaǵdai rejimine bailanysty Nur-Sultan men Almaty qalalarynda avtokólik turaqtary tegin bolady. Almatynyń qalalyq turaqtarynda 21 naýryzdan bastap aqy alynbaidy. Aqyly turaqtar turǵyndardan aqyny 15 sáýirge deiin almaidy», - delingen aqparatta.
Aita keteiik, 19 naýryzdan bastap atalmysh eki megapoliste karantin engizildi. 16 naýryzda el boiynsha tótenshe jaǵdai jariialandy.
Qazaqstanda qaýipti indetti juqtyrǵandar sany 49-ǵa jetti. Onyń ishinde Almatyda - 22, Nur-Sultanda - 25 jáne Qaraǵandyda - 2 jaǵdai tirkelgen.
