Nur-Sultan men Almaty qalalarynda karantin engizilýine bailanysty balabaqshalar jumysyn toqtatady. Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Jumysshylardy aqyly eńbek demalysyna jiberý qajet. Búgingi tańda barlyq mekemelerdi osy múmkindikti paidalanýǵa shaqyramyz. Kez kelgen jumys isteitin azamat jylyna bir ret aqyly eńbek demalysyna shyǵady. Ol keste boiynsha jasalady jáne Eńbek kodeksine sáikes kesteden de tys berilýi múmkin. Sondyqtan búkil mekeme, uiymdardy, jumys berýshilerdi múmkin bolsa osy kúnderi jumysshylardyń jumys ornyn, tabysyn saqtaý maqsatynda aqyly eńbek demalysyna jiberýdi suraimyz», - dedi ministr.
Sonymen qatar ol eń birinshi kezekte úiinde balasy bar ata-analardy aqyly eńbek demalysyna jiberý qajettigin basa aitty.
«Nur-Sultan men Almaty qalalarynda karantin engizilýine bailanysty balabaqshalardyń da jumysy toqtatylady. Bul jaǵdaida keshe Bilim jáne ǵylym ministrligi tarapynan barlyq memlekettik balabaqshalarǵa jumysshylaryn eńbek demalysyna jiberý týraly talap qoiyldy. Mundai múmkindikti basqa jekemenshik balabaqshalarǵa da qoldanýdy usynar edik», - dedi Birjan Nurymbetov.
