QR Ishki ister ministrligi karantin engizilgen Nur-Sultan men Almaty qalalaryna tún ortasynan bastap kirýge jáne shyǵýǵa barynsha shekteý qoiylatynyn eskertti, dep habarlaidy "Ult aqparat".
«22 naýryzda 00:00 saǵattan bastap Nur-Sultan jáne Almaty qalalarynda virýstyq infektsiianyń odan ári taralýyna jol bermeýge baǵyttalǵan shekteý sharalary kúshine enedi. Shekteý azyq-túlik, taýarlar, dári-dármekter jáne birinshi kezekte qajetti zattardy jetkizetin avtokólikke, sondai-aq júk jáne tranzittik tasymaldardy júzege asyratyn kólikke qatysty bolmaidy», - dep atap ótedi ministrlikten.
Vedomstvo málimetinshe, 19 naýryzdan karantin bastalǵannan beri beketterdegi jaǵdai qalypty. Azamattar qabyldanǵan shekteý sharalaryna túsinistikpen qaraýda. Sonymen birge qasaqana jalǵan aqparat, onyń ishinde arandatýshylyq sipattaǵy aqparat taratý faktileri kezdesýde. Mysaly, áleýmettik jelilerdiń birinde paidalanýshy taksi júrgizýshisimen bolǵan áńgimeniń beinejazbasyn ornalastyrǵan. Onda taksi júrgizýshisi belgili bir aqy úshin qujattardy teksertpesten, blok-beketter arqyly kedergisiz ótkizýge ýáde beredi.
«Mundai faktilerge jol joq Bul úshin quqyq qorǵaý kúshteri qajetti pármendi sharalar qabyldaýda. Nur-Sultan jáne Almaty qalalaryndaǵy blok-beketterde patrýldik politseilermen jáne áskeri qyzmetshilermen qatar ózindik qaýipsizdik qyzmetkerleri de jumys isteidi. Olar zańdylyqtyń saqtalýyn jáne sybailas jemqorlyqqa jol bermeý úshin baqylaýdy qamtamasyz etedi», - delingen taratylǵan aqparatta.
Qazirgi ýaqytta joǵaryda atalǵan arandatýshylyq beinejazbany taratý faktisi boiynsha tiisti tekserý júrgizilip jatyr. Osyǵan bailanysty IIM jalǵan aqparat taratqany úshin jaýapkershilik qarastyrylǵandyǵyn eskertedi jáne azamattardan jalǵan sózge senbeýdi, al Nur-Sultan jáne Almaty qalalarynan shyǵý jáne kirýge bailanysty barlyq quqyqbuzýshylyqtar týraly politsiiaǵa habarlaýdy suraidy (telefondary: Nur-Sultan qalasynda – 71-60-20, Almaty qalasynda – 254-40-07, IIM Ózindik qaýipsizdik departamentiniń senim telefony – 1402).
Karantindik is-sharalarǵa qatysty ózge suraqtar boiynsha ákimdikterge habarlasaý qajet (Nur-Sultan qalasy: 109, Almaty qalasy: 1309).
