Memleket basshysynyń tapsyrmasyn oryndaý aiasynda áýe tasymaldaýshylary 1 mamyrdan bastap Nur-Sultan jáne Almaty qalalary arasynda ushýdy qaita bastaýǵa daiyn. Bul jóninde QR Indýstriia jáne infraqurylymdyq damý ministrligi habarlady.
Kúnine 4 reisten bolady, onyń ishinde 2 reisti - «Eir Astana», 1 reisti - «Fly Arystan» jáne 1 reisti «SCAT» áýe kompaniiasy oryndaidy.
Áýe kompaniialary bilet baǵasyn reister toqtaǵanǵa deiingi deńgeide saqtaýǵa mindetteme alady. Ári qarai jaǵdai jaqsaryp jatsa, reister sanyn jáne áýe kemeleriniń syiymdylyǵyn arttyrý máselesi qaralady.
Saparǵa shyqqanda QR Densaýlyq saqtaý ministrliginiń Kóliktegi bas sanitar dárigeri bekitken sanitarlyq talaptardyń kúsheitilgen normalaryn saqtaý kerek.
Olardyń negizgileri mynalar:
- jolaýshylarda COVID-19 testinen ótkeni jáne onyń nátijesi teris bolǵany týraly anyqtama bolýy qajet (anyqtamanyń qoldanylý merzimi - berilgen kúnnen bastap 7 kún);
- jeke qorǵanys quraldaryn paidalaný (betperde, qolǵap);
- termometriia, áleýmettik qashyqtyq saqtaý;
- áýejailar men áýe kemelerin kúsheitilgen negizde zalalsyzdandyrý.
Sanitarlyq qaýipsizdik talaptary boiynsha atalǵan reisterde bortta tamaq berilmeidi.
ÁÝE REISTERINIŃ KESTESI
|
Áýe akompaniiasy |
Keste |
ÁK túri/ syiymdylyǵy |
|
1. Eir Astana |
1.Almaty (06:55) – Nur-Sultan (08:40) (Reis KS-951) Nur-Sultan (09:40) – Almaty (11:20) (Reis KS-952) 2. Almaty (19:45) – Nur-Sultan (21:30) Nur-Sultan (22:30) – Almaty (00:10) (Reis KS-856) |
Embraer 190/ |
|
2. Fly Arystan |
Nur-Sultan (10:50) – Almaty (12:30)
(Reis KCX-7055) |
Airbus 320/ |
|
3. SCAT |
Almaty (09:00) – Nur-Sultan (11:30) Nur-Sultan (12:30) – Almaty (15:00) (Reis DV-714) |
Boeing 737/ 144 oryn |
Atalǵan baǵyttarǵa ushatyn azamattar koronavirýs infektsiiasyna testti óz qarajaty esebinen aqyly negizde jasatatynyn aita ketý kerek.
Test ótýge bolatyn zerthanalardyń mekenjaiy men telefony:
- «Ulttyq saraptama ortalyǵy» ShJQ RMK Nur-Sultan qalasyndaǵy filialy: Jeltoqsan kóshesi 46, tel. 8 (7172) 31-54-09, 8 (7172) 59-00-77.
- «Ulttyq saraptama ortalyǵy» ShJQ RMK Almaty qalasy boiynsha filialy: Jibek Joly kóshesi 3, tel. 8 (7273) 82-35-65, 8 (727) 259-00-77.
- «Olimp» KDZ Nur-Sultan qalasynda: Respýblika dańǵyly 2/1, Giote kóshesi 3, B. Momyshuly dańǵyly 16, Abylai-han dańǵyly 12/1, E-10 kóshesi 2 úi, Mankent 2 kóshesi (mobildi pýnkt). Testileý 8701 961 7008 telefonymen aldyn ala jazylý arqyly ǵana jasalady (sms mátin WhatsApp)
- «Olimp» KDZ Almaty qalasynda: Medeý aýdany – Haliýllin k-si 32, Seifýllin k-si 549, Jandosov k-si 1V; Almaly aýdany – Baizaqov k-si 221/155, Gagarin k-si 236b. Testileý 8701 961 7307 telefonymen aldyn ala jazylý arqyly ǵana jasalady (sms mátin WhatsApp)
- «INVIVO» zerthanasy Almaty q-sy: Qarasai batyr k-si 123, Call-center: 8 727 258 83 83, 8 778 769 38 81
Esterińizge sala keteiik, Nur-Sultan jáne Almaty qalalary arasynda reister toqtatylǵanǵa deiin kúnine 17 reis («Eir Astana» - 9 reis, «SCAT» - 3 reis, «Qazaq Air» - 2 reis, «Fly Arystan» - 3 reis) oryndalatyn.
