Elordadaǵy bilim oshaqtarynda áskeri salany damytý maqsatynda SMART-synyptar ashylady. Bul týraly Nur-Sultan qalasy ákimdiginiń baspasóz qyzmeti habarlady.
Mundai «aqyldy» synyptarda bolashaq áskeri injenerler men IT-mamandar daiarlanatyn bolady.
Smart-synyptardy qurý ideiasyn QR Prezidenti Qasym-Jomart Toqaev usynǵan bolatyn. Memleket basshysy óz kezeginde onyń mańyzdylyǵyn tilge tiek etip, smart-sarbaz úiirmelerin qurýdy tapsyrdy.
«Mamandardy daiarlaý jáne áskeri-patriottyq tárbie berý isinde bolashaq áskeri injenerlerdi, IT mamandaryn, robotty tehnikalardy, jasandy intellekt boiynsha mamandardy tárbielep shyǵarý kerek. Olar «SMART» dep atalatyn býyn. «Jas sarbaz» qozǵalysynyń bazasynda, ásirese fizika-matematika boiynsha tereńdete oqytylatyn mektepterde «SMART-SARBAZ» úiirmelerin qurýdy usynamyn», – dedi Qasym-Jomart Kemeluly Qorǵanys ministrligi alqasynyń keńeitilgen otyrysynda.
Búginde jergilikti áskeri basqarý organdary men bilim basqarlamasy smart-synyptardyń ashylý máslesin talqylap jatyr. Boljam boiynsha, «aqyldy» synyptar jańa oqý jylynan bastap engiziledi.
Qazirgi tańda «Jas sarbaz» áskeri-patriottyq klýbtary men synyptarynyń sany elimiz boiynsha 6 myńǵa jetip, 174 myńnan astam balany qamtyǵan.
Aita ketsek, «Tsifrlyq Qazaqstan» memlekettik baǵdarlamasy aiasynda sońǵy jyldarda elimizde kóptegen IT-mektepter men IT-synyptar ashylǵan edi. Qazirde bul baǵyttaǵy mektepter innovatsiialyq jáne tehnologiialyq bilikti oqýshylardy daiyndaý ústinde. Kórsetkishter de joq emes. Jas talanttar jańa týyndylardy oilap taýyp, innovatsiialyq daǵdylardy igerip jatyr. Aǵymdaǵy jyldyń qyrkúieginde EKSPO bazasynda IT-Ýniversitet ashylady dep kútilýde. Bul ortalyq otandyq IT-mamandardyń jańa tolqynyn shyǵarýǵa atsalysatyn bolady.
