IIM 30 qyrkúiekte Nur-Sultan kópirinde bolǵan jol-kólik oqiǵasy boiynsha kúdikti ustalǵanyn rastady, - dep habarlaidy "Ult aqparat" Tengrinews.kz agenttigine silteme jasap.
"30 qyrkúiekte Nur-Sultan qalasynda kópirde bolǵan apat kýágerleriniń aitýynsha, apatqa qatysýshylar jarys uiymdastyrǵan. Bul - rastalǵan aqparat emes. "Sergek" beinebaqylaý kameralarynan videolar qashan jariialanady? Túngi jarysqa qandai avtokólikter qatysty jáne mashinalar kimge tiesili", - dep surady jýrnalist OKQ brifinginde.
"Iá, atalǵan jol-kólik oqiǵasy qoǵamdy beijai qaldyrmady. Qazirgi tańda elordanyń politsiia departamenti qylmystyq is qozǵady. Naqty aitqanda, Qylmystyq kodekstiń 345-babynyń 4-tarmaǵyna sáikes jol erejesin buza otyryp, "2 nemese odan da kóp adamnyń ólimine sebep bolý" jáne 347-baptyń 1-tarmaǵyna sáikes "oqiǵa ornynan ketip qalýǵa" qatysty tergeý júrip jatyr. Apat ornynan qashyp ketken kúdikti ustaldy. Kúdikti dep tanylǵan 19 jastaǵy elorda turǵyny búginde 2 aiǵa ýaqytsha qamaýǵa alyndy. Jol apatynyń ýaqytyna kelsek, ol bizde naqty tirkelgen. Túngi saǵat 00:18-de bolǵan. Bul - bizdegi resmi derek", - dep jaýap berdi IIM Tergeý departamentiniń bastyǵy Sanjar Ádilov.
Tilshilerdiń kóshe kameralarynan videony jariialaý týraly ótinishine jaýap retinde videolar is materialdaryna zattai dálel retinde tirkelgenin jáne jariialaýǵa bolmaitynyn túsindirdi.
