Elordanyń qalalyq máslihaty bas qalanyń dizain-kod jobasyn bekitti, dep habarlaidy "Ult aqparat".
«Nur-Sultan qalasynyń dizain-kody qalalyq máslihatta bekitildi. Bul jumys QR Prezidenti Qasym-Jomart Toqaevtyń qoiǵan tapsyrmanyń nátijesi. Memleket basshysy qala ákimdigine elorda ǵimarattary men kósheleriniń biryńǵai dizain-kodyn jasaýdy tapsyrdy. Dizain-kod degenimiz birkelki, qaýipsiz jáne yńǵaily qalalyq ortany qalyptastyrýdyń erejesi men sipattamasy. Atalǵan qujat qala qurylysy keńistigi men onyń tetikterin rásimdeýdi reglamentteidi. Dizain-kodtyń mindeti qoǵamdyq keńistikti qurý jáne adamdar úshin jaily qala qalyptastyrý», - delingen Nur-Sultan qalasy Sáýlet, qala qurylysy jáne jer qatynastary basqarmasynyń habarlamasynda.
Basqarmanyń málimetine sú iensek, dizain-kodtyń aiasynda elordanyń 2387,3 shaqyrymdy quraityn kóshe joly jelisi toptastyryldy.
«Sondai-aq, qalanyń jalpy boiaý tústerine taldaý jasaldy. Onyń barysynda ǵimarat qasbetteriniń reńine qatysty birneshe problemalar anyqtaldy. Jáne dizain-kodta jarnama ornatý men ǵimarat qasbetterine injenerlik júieni tartýdyń erejeleri ázirlendi», - dep jazylǵan aqparatta.
