Alǵash ret taraýyq namazy Qazaqstan meshitterinde jamaǵatsyz oqylady, dep habarlaidy "Ult aqparat" elorda ákimdiginiń resmi saityna silteme jasap.
«Ókinishke orai, koronavirýsqa bailanysty karantin sebebinen alǵash ret taraýyq namazy meshitterde jamaǵatsyz oqylady. Árbirimiz saqtyq sharasyna mán berýimiz kerek. Barlyq musylmandardy karantin talaptaryn oryndaýǵa shaqyramyn. Qoǵamdyq oryndarda taraýyq namazyn oqýdan, aýyzasharlardan birshama ýaqytqa bolsa da tyiylý kerek», – dedi Nur-Sultan qalasynyń bas imamy Erbolat Júsipov.
Ramazan – islamnyń bes paryzynyń biri – oraza aiy. Bul aida musylmandar bir ai boiy oraza tutady. Iaǵni, tań sáreden kún batqansha iship-jeýden, túrli jamanshylyq ataýlydan ózin pák ustap, kúná isterdi toqtatady.
Biyl qasietti Ramazan aiy 24 sáýirde bastalady. Qadir túni mamyrdyń 20-nan 21-ne qaraǵan túnge sáikes keledi.
