Elordanyń "Ramada plaza" qonaq úiin qaita jabdyqtap, koronavirýs boiynsha karantindik nysan retinde paidalanady. Bul týraly Nur-Sultan ákiminiń orynbasary Baqtiiar Máken málimdedi, dep habarlaidy Sputnik Qazaqstan.
Onyń aitýynsha, qazirgi kezde qonaq úidi qaita jabdyqtaý jumystary bastaldy. Koronavirýs juqtyrǵandardyń sany artsa, olardyń barlyǵyn sol jerge karantinge jatqyzatyn boldy.
"Biz qosymsha kereýetter qoiamyz. Búgin ákimdik "Ramada plaza" qonaq úiinde patsientterge qosymsha oryndar jasaqtaý jumysyn bastap ketti. Qazirgi kezde osy nysandy daiyndaý maqsatynda jóndeý jumystary júrgizilýde. Sol jerde karantindik rejim bolady", - dedi Máken búgingi onlain brifingte.
Ákim orynbasary "S" (komendanttyq saǵat) engizilse, astanada qosymsha karantindik nysandar jabdyqtalatynyn aitty.
"S" jospary kezinde tótenshe jaǵdai komendanttyq saǵat rejimine aýystyrylady. Ondai rejim virýs keńinen taralǵan jaǵdaida ǵana engiziledi. Ázirshe, komendanttyq saǵatty engizý jospary joq. Qudai saqtasyn, degenmen oǵan daiyn bolýymyz qajet", - dep atap kórsetti Máken.
Densaýlyq saqtaý ministrligi málimdegen sońǵy derekterge súiensek, Qazaqstanda 37 adam koronavirýs juqtyrǵan. Almatyda - 19, astanada -18.
