Sania (Qytai)-Nur-Sultan baǵdary boiynsha ushaq apatty jaǵdaida qondy, dep habarlaidy "Ult aqparat".
«Búgin Scat áýe kompaniiasynyń Sania (Qytai)-Nur-Sultan baǵdary boiynsha VSV464 reisin oryndaýǵa ushqan B757 áýe kemesi saǵat 16.58 ýaqytynda shuǵyl qondy. Sania áýejaiynyń dispetcherlik qyzmetiniń aldyn ala bergen aqparatyna sáikes, rezeńkeniń qaldyqtary anyqtalǵan. Áýe kemesine belgisiz zat soǵylyp, shassidiń sol jaq negizgi taǵanyn tireitin artqy dóńgelektiń joǵarǵy qabaty tilingen», - dep habarlady QR IIDM Azamattyq aviatsiia komitetinen.
Scat áýe kompaniiasy Nur-Sultan qalasynyń áýejaiynyń jerdegi qyzmetimen áýe kemesiniń qaýipsiz qonýyn qamtamasyz etý baǵytynda áreket etken.
«Ushaq jerge qaýipsiz qondy. Ekipaj quramynda 7 adam, jolaýshylardyń sany 234 bolǵan. Qazirgi ýaqytta QR IIDM aviatsiialyq oqiǵalar men jaǵdailardy tergeý boiynsha basqarmanyń komissiiasy tergeý júrgizip jatyr», - dedi Komitet.
