سانيا (قىتاي)-نۇر-سۇلتان باعدارى بويىنشا ۇشاق اپاتتى جاعدايدا قوندى, دەپ حابارلايدى "ۇلت اقپارات".
«بٷگٸن Scat ەۋە كومپانيياسىنىڭ سانيا (قىتاي)-نۇر-سۇلتان باعدارى بويىنشا VSV464 رەيسٸن ورىنداۋعا ۇشقان B757 ەۋە كەمەسٸ ساعات 16.58 ۋاقىتىندا شۇعىل قوندى. سانيا ەۋەجايىنىڭ ديسپەتچەرلٸك قىزمەتٸنٸڭ الدىن الا بەرگەن اقپاراتىنا سەيكەس, رەزەڭكەنٸڭ قالدىقتارى انىقتالعان. ەۋە كەمەسٸنە بەلگٸسٸز زات سوعىلىپ, شاسسيدٸڭ سول جاق نەگٸزگٸ تاعانىن تٸرەيتٸن ارتقى دٶڭگەلەكتٸڭ جوعارعى قاباتى تٸلٸنگەن», - دەپ حابارلادى قر ييدم ازاماتتىق اۆياتسييا كوميتەتٸنەن.
Scat ەۋە كومپانيياسى نۇر-سۇلتان قالاسىنىڭ ەۋەجايىنىڭ جەردەگٸ قىزمەتٸمەن ەۋە كەمەسٸنٸڭ قاۋٸپسٸز قونۋىن قامتاماسىز ەتۋ باعىتىندا ەرەكەت ەتكەن.
«ۇشاق جەرگە قاۋٸپسٸز قوندى. ەكيپاج قۇرامىندا 7 ادام, جولاۋشىلاردىڭ سانى 234 بولعان. قازٸرگٸ ۋاقىتتا قر ييدم اۆياتسييالىق وقيعالار مەن جاعدايلاردى تەرگەۋ بويىنشا باسقارمانىڭ كوميسسيياسى تەرگەۋ جٷرگٸزٸپ جاتىر», - دەدٸ كوميتەت.
