Elordada kovidke arnalǵan statsionarlar jabylyp jatyr. Bul týraly Nur-Sultan qalasy Qoǵamdyq densaýlyq saqtaý basqarmasynyń bas mamany Jeleýhan Primqulov málim etti, dep habarlaidy QazAqparat.
«Qalada virýstyń taralýy deńgeiiniń tómendeýine bailanysty Qoǵamdyq densaýlyq saqtaý basqarmasy mamyr-shilde ailarynda infektsiialyq bolyp beiimdelgen statsionarlardy jabý týraly sheshim qabyldady. Osylaisha, sońǵy eki kúnde 370 oryndy 3 kovidti statsionar jabyldy, iaǵni Qalalyq psihikalyq densaýlyq ortalyǵy, Ulttyq qaýipsizdik komitetiniń gospitali men Qorǵanys ministrligi gospitalindegi statsionar jabyldy», - dedi Jeleýhan Primqulov.
Onyń aitýynsha, osyǵan qosa, kelesi apta jáne aldaǵy ýaqytta aýrýdyń báseńdeýine bailanysty infektsiialyq, reanimatsiialyq oryndar taǵy eki statsionarda jabylady. Osy oraida 216 tósek oryndy №3 Kópbeiindi qalalyq aýrýhananyń akýsherlik jáne klinikalyq bloktary, 112 oryndy akademik N.D. Batpenov atyndaǵy Ulttyq ǵylymi travmatologiia jáne ortopediia ortalyǵy qamtylady.
Budan buryn habarlanǵandai, elordada jedel járdem shaqyrtý deńgeii azaidy.
