Nur-Sultan qalasynda karantindik shekteý sharalaryn kezeń-kezeńimen jeńildetý boiynsha elordanyń Bas sanitarlyq dárigeriniń qaýlysyna ózgerister engizildi, dep habarlaidy "Ult aqparat".
Atap aitqanda, 11 qyrkúiekten bastap:
- qaladaǵy biznes-ortalyqtar (notariýs, advokat býhgalter jáne konsalting qyzmetteri, jyljymaityn múlik agenttikteri, jarnama agenttikter, sot oryndaýshylar, týroperatorlar jáne t.b.) sanitarlyq-profilaktikalyq sharalardy qatań saqtai otyryp, jumys jáne demalys kúnderi saǵat 09.00-den 20.00-ge deiin jumys isteidi;
- teatrlyq qoiylymdardy ótkizýge tyiym salý pýnkti «attraktsiondary bar basseinderdiń jumysyna tyiym salý» sózderimen tolyqtyryldy. Osy rette, attraktsiondary bar basseinderiniń jumysyna tyiym salyna otyryp, «Han Shatyr» saýda, oiyn-saýyq ortalyǵyndaǵy «SkyBeachClub» jaǵajai klýbynyń qyzmetine ruqsat berildi. Demalýshylardyń sany syiymdylyǵynan 50% aspaýy tiis;
- qoǵamdyq tamaqtaný oryndary (meiramhanadar, dámhanalar, barlar, ashanalar) jumys jáne demalys kúnderi saǵat 09.00-den 24.00-ge deiin jumys isteitin bolady. Qoiylatyn talap: otyratyn oryndar sany nysan ishinde – 30-dan, jazǵy alańda 30-dan aspaýy qajet. Ústelder arasyndaǵy 2 metr qashyqtyq saqtalýy tiis. Bir ústel basynda 4-6 adamnan otyrǵyzýǵa bolady.
Bul rette, turǵyn úi ǵimarattarynda ornalasqan qoǵamdyq tamaqtaný oryndaryjumys jáne demalys kúnderi saǵat 09.00-den 22.00-ge deiin ǵana isteitin bolady.
Barlyq qoǵamdyq tamaqtaný ornynda ujymdyq, saltanatty, otbasylyq jáne ózge de kópshilik is-sharalardy ótkizýge tyiym salynady;
- qalaaralyq, oblysaralyq avtobýstar men shaǵyn avtobýstar qaita júre bastaidy;
- bilim berý ortalyqtarynyń, balalar men eresekterge arnalǵan ortalyqtardyń, balalardy damytý ortalyqtarynyń (aldyn ala jazylý boiynsha, 15 adamnan aspaityn topta) qyzmeti qatań sanitarlyq-epidemiologiialyq talaptar saqtala otyryp, jumys kúnderi saǵat 09.00-den 18.00-ge deiin isteitin bolady. Bul rette, atalmyn mekemeler demalys jáne mereke kúnderi jabyq bolady;
«Nur-Sultan qalasynyń Ishki saiasat basqarmasy qabyldanyp jatqan sharalar týraly buqaralyq aqparat quraldarynda, áleýmettik jeliler men messendjerlerde aqparat taratýdy qamtamasyz etsin. Adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimniń mańyzdylyǵy túsindirilsin.
Osy Qaýly barlyq múddeli memlekettik organdarǵa, uiymdarǵa, kásipkerlik sýbektileri men qala turǵyndaryna jetkizilsin.
Nur-Sultan qalalyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń aýdandyq basqarmalary Politsiia departamentimen birlese otyryp, Qaýlynyń oryndalýyna qatań baqylaý júrgizsin.
Menshik formasyna qaramastan, barlyq jeke jáne zańdy tulǵalar Qaýlyny oryndaýǵa mindetti.
Qujat qol qoiylǵan kúnnen bastap kúshine enedi», - delingen elordanyń bas sanitar dárigeri J.Pirálievanyń Qaýlysynda.
Aita keteiik, Qaýly 11 qyrkúiek kúni maquldanǵan.
