Elordada azyq-túlik qory jetkilikti. Baǵany turaqtandyrý boiynsha 2 baǵytta jumys júrgizilýde, dep habarlaidy "Ult aqparat" qala ákimdiginiń resmi saityna silteme jasap.
Atap aitqanda, turaqtandyrý qory qurylǵan, saýda jelilerin jeńildikpen nesielendirý boiynsha jumystar júrip jatyr. «Ainalym shemasy» jobasyna «Magnum», «Astyqjan», «Kenmart», «Small», «Shapaǵat», «Eýraziia», «Artem», «Big Shanhai» siiaqty saýda oryndary qatysady, sondai-aq et pen jarma boiynsha jetkizýshiler anyqtaldy. Dúrligýge sebep joq, azyq - túlik jetkilikti mólsherde.
Sondai-aq, áleýmettik nan baǵasyn ustap turý máselesi qarastyryldy. Turaqtandyrý qorynyń un qory tolyqtyrylyp, qalanyń naýbaihanalaryna qoldaý kórsetilýde.
Buǵan qosa aýyl sharýashylyǵy jármeńkelerin ótkizý baǵany ustap turýǵa jáne ónimdi naryqtyq baǵadan tómen satýǵa múmkindik beredi. Jármeńkeler maýsymy «Aspan bazar» saýda úiinde bastaldy jáne sáýir aiyna deiin ár senbi men jeksenbi kúnderi uiymdastyrylady.
