QR Prezidenti Qasym-Jomart Toqaevtyń Jarlyǵymen Altai Kólginov Nur-Sultan qalasynyń ákimi bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Altai Seidiruly Kólginov Nur-Sultan qalasynyń ákimi bolyp taǵaiyndalsyn", - delingen prezidenttiń jarlyǵynda.
Ol buǵan deiin Batys Qazaqstan oblysynyń ákimi boldy. Al elordany osy ýaqytqa deiin Baqyt Sultanov basqarǵan edi. Ol Astana ákimi bolyp (qazirgi Nur-Sultan) 2018 jyldyń 11 qyrkúieginde taǵaiyndalǵan bolatyn.
Altai Kólginov 1978 jyly 15 qańtarda Túrkistanda týǵan. A. Iassaýi atyndaǵy halyqaralyq qazaq-túrik ýniversitetin, QR prezidenti janyndaǵy memlekettik basqarý akademiiasyn, "Bolashaq" baǵdarlamasy boiynsha Ulybritaniianyń Aberdin ýniversitetin támamdaǵan. Mamandyǵy – zańger.
2000 jyly áskeri boryshyn ótegen;
2001-2008 jyldary ádilet ministrligi, memlekettik qyzmet isteri agenttigi jáne bas prokýratýra organdarynda túrli laýazymda qyzmet atqardy;
2003-2007 jyldary – memlekettik qyzmet isteri agenttiginiń Astana qalasy boiynsha basqarma basshysynyń orynbasary;
2007-2008 jyldary – ádilet ministrligi zań aktilerin jasaqtaý jáne taldaý basqarmasynyń basshysy;
2008-2010 jyldary – "AlashMediaGrýpp" kompaniiasy bas direktorynyń orynbasary;
2010-2012 jyldary – Qazaqstan prezidenti ákimshiligi aimaqtyq-uiymdastyrý jáne memlekettik baqylaý jumystary bóliminiń memlekettik inspektory;
2012-2013 jyldary – Batys Qazaqstan oblysy ákiminiń orynbasary;
2013-2016 jyldary – Oral qalasynyń ákimi;
2016 jyldyń 26 naýryzynan osy kúnge deiin Batys Qazaqstan oblysynyń ákimi boldy.
Úilengen, 3 balasy bar.
