Nur-Sultan emhanalaryndaǵy josparly qabyldaýlar keiinge shegeriledi. Bul týraly «Qazaqstan» telearnasyndaǵy «Ashyq alań» baǵdarlamasynda QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy "Ult aqparat".
«Emhanalardaǵy josparly qabyldaýlar keiinge qalady. Al shuǵyl qabyldaýlar jalǵasa beredi. Biraq, ár meditsinalyq mekeme sheshimdi derbes qabyldaidy. Biz nusqaý berdik. Iaǵni, dárigerge osy aptaǵa ne kelesi jumaǵa jazylyp qoiǵan adamdardy qabyldaý keiinge shegeriledi», - dedi Dias Ahmetshárip.
