Nur-Sultan - Almaty baǵytyndaǵy ushaq biletiniń baǵasy bekitildi, dep habarlaidy "Ult aqparat".
«Memleket basshysynyń tapsyrmasyna sáikes tótenshe jaǵdai rejimin qamtamasyz etý jónindegi memlekettik komissiia osy jyldyń 1 mamyrynan bastap kúnine 4 reis jiiligimen Nur-Sultan jáne Almaty qalalary arasynda áýe reisterin ashý týraly sheshim qabyldady. Suranys joǵary baǵyt boiynsha ushýdyń bastalýy - salany qalpyna keltirýdiń alǵashqy qadamy bolmaq. Áýe reisteri QR DSM Kóliktegi bas sanitar dáriger belgilegen sanitarlyq qaýipsizdik talaptaryn saqtaý arqyly oryndalady. Qazaqstan áýe kompaniialary kúrdeli jaǵdaidy túsine otyryp, bilet baǵasyn satyp alý kúni men ýaqytyna bailanysty 7-den 30 myń teńgege deiingi aralyqta belgiledi», - delingen QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatta.
Vedomstvo málimetinshe, aldaǵy ýaqytta, jaǵdai jaqsarǵan kezde ishki reister sanyn jáne áýe kemeleriniń syiymdylyǵyn arttyrý máselesi qarastyrylmaq.
Aita keteiik, Qazaqstan Respýblikasynyń aýmaǵynda koronavirýs infektsiiasynyń odan ári taralýyn boldyrmaý jáne der kezinde áreket etý maqsatynda 45 ishki baǵyt boiynsha aptasyna 540 (100%) turaqty jolaýshylar reisi jáne 97 halyqaralyq baǵyt boiynsha aptasyna 440 (99%) reis (442-den 2 reiske deiin) toqtatyldy.
«Tótenshe jaǵdai rejimine jáne reister sanynyń azaiýyna bailanysty azamattyq aviatsiia salasynyń 20 myń qyzmetkeriniń shamamen 70 paiyzy aqysyz demalysqa shyqty. Jalpy jyl sońyna deiin saladaǵy shyǵyn kólemi shamamen 300 mlrd teńgeni quraýy múmkin», - dep atap ótedi ministrlikten.
