Nur-Sultan qalasy ákimdiginiń shtaty men biýdjeti qysqartylady. Bul týraly «Habar-24» telearnasynyń tikelei efirinde Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Memleket basshysynyń tapsyrmasyna sáikes, kvazimemlekettik sektorda, sonymen qatar apparattyń ishinde de shtattyq qurylym men biýdjetti ońtailandyrý júrgizilip jatyr. 17 zańdy tulǵa ońtailandyryldy. Sonymen qatar biýdjet qaita qaralyp, ónimsiz shyǵystar 27 mlrd teńgege qysqartyldy. Qazirgi ýaqytta taǵy 7 mlrd teńgeni qysqartý baǵytynda jumys júrgizip jatyrmyz», - dedi elorda ákimi.
Onyń atap ótýinshe, jalpy ońtailandyrylatyn qarajat somasy 35 mlrd teńgeni quraidy.
«Bul qarajat aldymyzda turǵan áleýmettik mańyzy bar infraqurylymdyq mindetterdi sheshýge jumsalatyn bolady. 14 mlrd teńgeden astam qarajat injenerlik infraqurylymǵa, 3,5 mlrd teńge bilim berý júiesin qoldaýǵa, densaýlyq saqtaý men áleýmettik jumystarǵa, sonymen qatar 3 mlrd teńgeden astam qarajat shaǵyn jáne orta biznesti qoldaýǵa, azyq-túlik qaýipsizdigin sýbsidiialaýǵa baǵyttalady», - dedi Altai Kólginov.
