نۇر-سۇلتان قالاسى ەكٸمدٸگٸنٸڭ شتاتى مەن بيۋدجەتٸ قىسقارتىلادى. بۇل تۋرالى «حابار-24» تەلەارناسىنىڭ تٸكەلەي ەفيرٸندە نۇر-سۇلتان قالاسىنىڭ ەكٸمٸ التاي كٶلگٸنوۆ ايتتى, دەپ حابارلايدى "ۇلت اقپارات".
«مەملەكەت باسشىسىنىڭ تاپسىرماسىنا سەيكەس, كۆازيمەملەكەتتٸك سەكتوردا, سونىمەن قاتار اپپاراتتىڭ ٸشٸندە دە شتاتتىق قۇرىلىم مەن بيۋدجەتتٸ وڭتايلاندىرۋ جٷرگٸزٸلٸپ جاتىر. 17 زاڭدى تۇلعا وڭتايلاندىرىلدى. سونىمەن قاتار بيۋدجەت قايتا قارالىپ, ٶنٸمسٸز شىعىستار 27 ملرد تەڭگەگە قىسقارتىلدى. قازٸرگٸ ۋاقىتتا تاعى 7 ملرد تەڭگەنٸ قىسقارتۋ باعىتىندا جۇمىس جٷرگٸزٸپ جاتىرمىز», - دەدٸ ەلوردا ەكٸمٸ.
ونىڭ اتاپ ٶتۋٸنشە, جالپى وڭتايلاندىرىلاتىن قاراجات سوماسى 35 ملرد تەڭگەنٸ قۇرايدى.
«بۇل قاراجات الدىمىزدا تۇرعان ەلەۋمەتتٸك ماڭىزى بار ينفراقۇرىلىمدىق مٸندەتتەردٸ شەشۋگە جۇمسالاتىن بولادى. 14 ملرد تەڭگەدەن استام قاراجات ينجەنەرلٸك ينفراقۇرىلىمعا, 3,5 ملرد تەڭگە بٸلٸم بەرۋ جٷيەسٸن قولداۋعا, دەنساۋلىق ساقتاۋ مەن ەلەۋمەتتٸك جۇمىستارعا, سونىمەن قاتار 3 ملرد تەڭگەدەن استام قاراجات شاعىن جەنە ورتا بيزنەستٸ قولداۋعا, ازىق-تٷلٸك قاۋٸپسٸزدٸگٸن سۋبسيدييالاۋعا باعىتتالادى», - دەدٸ التاي كٶلگٸنوۆ.
