Elordadaǵy iri oiyn-saýyq ortalyqtary jumysyn bastaýy múmkin. Buǵan qatysty tiisti qaýlynyń daiyndalyp jatqanyn qalanyń bas sanitarlyq dárigeri Janna Pirálieva málim etti, dep habarlaidy QazAqparat.
«Elordada baiqalǵan koronavirýs infektsiiasy deńgeiiniń oń dinamikasyna qaramastan sanitarlyq-epidemiologiialyq talaptardyń qatań saqtaý qajettiligin atap aitqym keledi. Sebebi karantin sharalaryn bosańsytý – kez kelgen ýaqytta aýrýdyń ósýine ákelýi múmkin. Osyǵan bailanysty ruqsat etilgen nysandarda sanitarlyq normalardyń talaptaryn tek sýbektilerdiń ózderi ǵana emes, sonymen birge kelýshiler de qatań saqtaýy kerek», - dedi Janna Pirálieva OKQ-da ótken baspasóz máslihatynda.
Ol qaladaǵy saýda jáne oiyn-saýyq ortalyqtarynyń jumysy qashan jandanatynyn aityp ótti.
«Qaladaǵy epidemiologiialyq jaǵdaidy eskere otyryp, vedomstvoaralyq komissiiada 2020 jyldyń 20 mamyrynan bastap bizdiń qalada saýda-oiyn-saýyq ortalyqtarynyń (onyń ishinde oiyn-saýyq jáne oiyn ortalyqtarynsyz, fýdkordsyz, kinoteatrsyz) jáne qoǵamdyq monshalardyń (saýnalardyń basseinsiz), azyq-túliktik emes saýda ortalyqtary men saýda úileriniń jumysyn qaita bastaý jumysy júrgizilip jatyr. Bul máseleni qazir bizdiń tarapymyzdan qarastyryp jatyrmyz
Bul máselege qatysty búgingi kúni qalalyq bas memlekettik sanitarlyq dárigerdiń qaýlysy daiyndalyp jatyr.
