Nur-Sultan qalasy ákimdiginiń baspasóz qyzmetiniń jetekshisi – qala ákimdiginiń baspasóz hatshysy qyzmetine Aqmaral Oljabaeva taǵaiyndaldy. Bul týraly ol óziniń Facebook jelisindegi paraqshasynda habarlady.
«Áriptester, dostar! Sizdermen jańalyǵymdy bóliskim kelip otyr. Búginnen bastap men ákimdiktiń baspasóz qyzmetiniń jetekshisi – qala ákimdiginiń baspasóz hatshysymyn. BAQ salasy boiynsha telearnalarda da, aqparattyq agenttikterde de jumys istedim. Ákimdiktiń baspasóz qyzmetinde jumys isteý men úshin zor jaýapkershilik, ári mártebe. Meniń bailanys nómirim – 8702 693 72 74. Kez kelgen ýaqytta habarlasyńyzdar, bizdiń baspasóz qyzmetimiz bárińiz úshin ashyq! Birlese jemisti jumys jasaýǵa biz daiynbyz!», - dep jazdy ol Facebook jelisindegi paraqshasynda.
Esterińizge sala keteiik, Aqmaral Oljabaeva buǵan deiin «BNews» aqparattyq agenttiginiń bas redaktory qyzmetin atqarǵan bolatyn.
