Elordanyń máslihat depýtattary Turǵyn úi jáne turǵyn úi inspektsiiasy basqarmasynyń qala aýmaǵyndaǵy 82 jer ýchaskesiniń ielerine 1,5 mlrd teńge ótemaqy tóleý týraly jobasyn maquldady, dep habarlaidy QazAqparat.
Qalalyq máslihattyń kezekten tys sessiiasynda «Jer ýchaskelerin memlekettik muqtaj úshin alyp qoiýǵa bailanysty jer ýchaskelerin nemese ózge de jyljymaityn múlikti ielikten shyǵarý sharttarynyń jobalaryn kelisý týraly» sheshim jobasyn Turǵyn úi jáne turǵyn úi inspektsiiasy basqarmasynyń basshysy Ánýar Saipov baiandady.
«Qalalyq máslihat sessiiasynyń qaraýyna 1 mlrd 486 mln teńge somasynda, jalpy aýdany 4,05 gektar bolatyn 12 obekt boiynsha 82 jer ýchaskesin satyp alý týraly sharttyń jobasy usynylady», - dedi basqarma basshysy.
Jer ýchaskelerin satyp alý sharty mynadai nysandardy qamtidy:
1. A-50 jáne A-51 kósheleriniń qurylysy – A.Baitursynov jáne J.Nájimedenov kósheleriniń aralyǵy;
2. Turan dańǵyly №227 kósheniń qiylysyndaǵy ákimshilik ǵimarat qurylysy;
3. Qabanbai batyr jáne Hýsein Ben Talal dańǵyldarynyń qiylysyndaǵy ákimshilik ǵimarat qurylysy;
4. Táýelsizdik dańǵyly men Sharl de Gol kóshesiniń qiylysyndaǵy quramdas ǵimarattar men parkingi bar turǵyn úi kesheniniń qurylysy;
5. Sharl de Gol jáne Asqar Toqpanov kósheleriniń qiylysý aýdanyndaǵy jańa kóshe qurylysy;
6. Sh.Qudaiberdi uly kóshesindegi №2/1 jáne №2/2 úilerdiń aýdanynda quramdas ǵimarattar men parkingi bar kóppáterli turǵyn úi kesheniniń qurylysy;
7. Kúmisbekov jáne Qosshyǵulov kósheleriniń qiylysyndaǵy quramdas ǵimarattar men parkingi bar kóppáterli turǵyn úi kesheniniń qurylysy;
8. Aqadyr jáne Igilik kósheleriniń qiylysyndaǵy ýchaskeni abattandyrý;
9. Sývorov kóshesindegi №16 úidiń aýdanyndaǵy ýchaskeni abattandyrý;
10. «Óndiris» turǵyn massiviniń Taibýryl jáne Igilik kósheleriniń qiylysyndaǵy mektep qurylysy;
11. A.Imanov jáne «Egemen Qazaqstan» gazeti kósheleriniń qiylysyndaǵy mektep qurylysy;
12. «Telman» turǵyn massivindegi park-skver qurylysy;
«Barlyq jer ýchaskeleriniń menshik ieleri usynylǵan kompensatsiia somasymen tanysty. Jazbasha kelisimderi bar», - dedi Ánýar Saipov.
Máslihat depýtattary sheshim jobasyn maquldap daýys berdi.
