Bul týraly búgin oblys ortalyǵynda ótken respýblikalyq «Digital East – Bolashaqqa qadam» IT-forýmynda belgili boldy. Forým jumysyna «Nur Otan» partiiasy Tóraǵasynyń Birinshi orynbasary Máýlen Áshimbaev, Qazaqstan Respýblikasy Premer-Ministriniń orynbasary Asqar Jumaǵaliev jáne oblys ákimi Danial Ahmetov qatysty.
Elbasynyń «Tsifrly Qazaqstan» baǵdarlamasyn júzege asyrýǵa úles qosý úshin partiia tarapynan tegin IT-synyptar men IT-ortalyqtar ashý siiaqty naqty jobalar qolǵa alynǵany belgili. Qazirdiń ózinde elimiz boiynsha 782 IT-synyp ashylyp, 30 myńnan astam mektep oqýshylary bilim alýda. Sonyń ishinde 277 IT-synyp Shyǵys Qazaqstan oblysynda ashylǵan. Bul kórsetkish boiynsha Kendi Altai óńiri elimizde kósh bastap tur. Oblys ákimi kelesi jyly óńirdegi barlyq mektepte IT-synyp ashylatynyn aitty.
Óńirde ashylǵan 2 IT-ortalyqtyń da jumysy joǵary deńgeide júrgizilip keledi. Búginge deiin bul ortalyqtarda 544 shyǵysqazaqstandyq azamat bilimin jetildirip, jańa mamandyqtardy meńgerýge múmkindik aldy. Osyndai jumystardyń arqasynda partiia uiymdastyrǵan IT-olimpiadaǵa qatysýshylar qatarynda shyǵysqazaqstandyqtardyń kóp bolǵanyna nazar aýdarǵan jón.
Óz sózinde «Nur Otan» partiiasy Tóraǵasynyń Birinshi orynbasary mundai bastamalar jastarymyzdyń HHI ǵasyrdyń mamandyqtaryn igerip, básekege qabiletti maman bolyp qalyptasýyna septigin tigizetinin aitty.
– Mundai bastamalardyń elimizdi jańa belesterge shyǵaratyny sózsiz. Óitkeni dál qazirgi tańda IT-tehnologiialar serpindi damýdyń negizi bolyp otyr. Sondyqtan partiialyq jobalardy bir salaǵa ǵana emes, barlyq salaǵa baǵyttalǵan jumys dep qarastyrýymyz kerek. Bul rette Shyǵys Qazaqstan oblysynyń tájiribesin erekshe atap ótken jón. Kelesi jyly oblystyń barlyq mektebinde IT-synyptar ashylyp, jastardyń jańa zaman mamandyqtary boiynsha sapaly bilim alýyna jaǵdai jasalmaq. Oblystyń bul belsendiligi búkil Qazaqstan úshin úlgi ekeni sózsiz, – dedi Máýlen Áshimbaev.
Sonymen qatar forým barysynda «Úzdik IT-sheshimder men startap jobalar» baiqaýynyń jeńimpazdary marapattaldy. Bul rette qatysýshylardyń deni jastar ekenin jáne olardyń negizinen áleýmettik qyzmetterdiń qoljetimdiligin qamtamasyz etetin, halyqtyń ómir súrý sapasyn jaqsartatyn jobalardy usynǵanyn aita ketken jón.
Altai óńirine sapary barysynda Máýlen Áshimbaev Oblystyq mamandandyrylǵan meditsinalyq ortalyqqa arnaiy baryp, robottandyrylǵan hirýrgiialyq bólimniń jumysymen tanysty. Sondai-aq ol partiianyń oblystyq aktivimen kezdesip, Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy men jaqynda jariialanǵan «Uly dalanyń jeti qyry» maqalasynda aitylǵan basymdyqtardy júzege asyrý barysyn talqylady.
