Tehnologiia damyǵan saiyn keibir mamandyqtar joiylyp, IT-mamandarǵa suranys arta túsedi. Sondyqtan jastarǵa bolashaǵy bar mamandyqtardy oqytýdyń mańyzy zor. «Nur Otan» partiiasy Tóraǵasynyń Birinshi orynbasary Máýlen Áshimbaev búgin Almaty oblysyna jasaǵan sapary kezinde osylai dedi.
Sol sebepti de partiia elimizde básekege qabiletti tsifrly orta qalyptastyryp, «Tsifrly Qazaqstan» memlekettik baǵdarlamasynyń júzege asyrylýyna óz úlesin qosýdy kózdep otyr. Osy baǵytta birqatar tyń jobalar da qolǵa alynǵan. Atap aitqanda, partiianyń bastamasymen elimiz boiynsha IT-synyptar men IT-ortalyqtar ashylyp, halyq baǵdarlamalaý men robot tehnikalyrynyń negizderin tegin meńgere bastady.
Sondai IT-synyptardyń biri Taldyqorǵan qalasyndaǵy Oqýshylar saraiynda ashyldy. Atalǵan synyptyń jumysymen tanysqan Máýlen Áshimbaev mundai bastamalar elimizdiń damyǵan elderdiń qataryna qosylyp qana qoimai, aldyńǵy legine shyǵýyna múmkindik beretinin aitty.
– Qazirgi kezde tehnologiianyń qarqyndy damýyna bailanysty keibir mamandyqtar óziniń mańyzdylyǵyn joǵaltyp, tipti birqatary múldem joiylýda. Al kerisinshe IT salasynyń bilgirlerine degen suranys ýaqyt ótken saiyn artyp keledi. Sondyqtan biz jastarymyzǵa bolashaǵy bar mamandyqtaryn oqytyp, olardyń básekege qabiletti maman bolyp qalyptasýyna óz septigimizdi tigizýdi qolǵa aldyq. Osyndai IT-synyptarda oqyǵan jas jetkinshekter keleshekte basqa salany tańdasa da bul jerde alǵan bilimderi olardyń oilaý qabiletine oń áserin tigizip, aldaǵy ómirlerine azyq bolary sózsiz, – dedi Máýlen Áshimbaev.
Atalǵan IT-synypta mektep oqýshylary STEM oqytý júiesi boiynsha zamanaýi baǵdarlamalaý tilderin úirenip, tegin bilim alýda. Bul baǵdarlama boiynsha balalar komandalyq jumysta tájiribelerin shyńdap, ǵylymi-tehnikalyq bilimdi shynaiy ómirde qoldanýdyń qyr-syryn úirenedi. Sondai-aq joba kreativti oilaýǵa baýlyp, jastardyń tehnikalyq pánderge degen ynta-jigerin oiatýǵa baǵyttalǵan.
Sonymen qatar partiia Tóraǵasynyń Birinshi orynbasary oblys ortalyǵynda ashylǵan IT-ortalyqtyń jumysymen tanysyp, partiianyń osy joba arqyly xalyqtyń tsifrlyq saýattylyǵyn arttyrýdy jáne eldegi jumyssyzdyqtyń joiylýyna yqpal etýdi kózdeitinin aitty. Odan bólek, Máýlen Áshimbaev jergilikti kásipkerlermen kezdesip, shaǵyn jáne orta biznesti qoldaýǵa baǵyttalǵan partiialyq jobanyń mańyzdylyǵyna toqtalyp ótti.
