Shymkent qalalyq máslihatynyń depýtattyǵyna úmitker Nursultan Balabiev Shymkent qalasynda ornalasqan «Bereke-A» korporatsiiasy» jaýapkershiligi shekteýli seriktestiginiń eńbek ujymymen kezdesip, korporatsiia ujymyn «Nur Otan» partiiasynyń Shymkent qalasy boiynsha sailaýaldy baǵdarlamasymen tanystyrdy.
Atalǵan Baǵdarlamanyń qala halqynyń ál-aýqatyn arttyrýǵa, áleýmettik qorǵaýdyń jańa paradigmasyn qalyptastyrýǵa, qalanyń ekonomikalyq áleýetin arttyrýǵa, ony kórkeitýge, tsifrlandyrýǵa baǵyttalǵan basymdyqtary boiynsha jol qurylysshylaryna egjei-tegjeili aqparat berdi.
Jalpy, «Nur Otan» partiiasy aldaǵy bes jyldyqta jańa óndiris oryndarynyń ashylýyna, jumys istep turǵan kásiporyndardyń qýattylyǵynyń artýyna jáne laiyqty jalaqysy bar turaqty jumys oryndarynyń kóbeiýine kúsh salady. Sonyń esebinen 5 jylda qalada 80 myń jumys orny ashylatyn bolady.
Sonymen qatar, «Bereke-A» korporatsiiasy mamandanýynyń negizgi salasy – jol qurylysy bolǵandyqtan, Partiianyń sailaýaldy baǵdarlamasynyń joldar men kólik infraqurylymyna qatysty basymdyǵyna erekshe ekpin berildi.
Jol ekonomikanyń kúretamyry bolǵandyqtan, joldardyń sapaly ári talapqa sai bolýy – óńirdiń ornyqty ári tabysty damýynyń kepili.
«Nur Otan» partiiasynyń maqsaty – joldardyń, qoǵamdyq kóliktiń sapasyn jaqsartý, áýe jáne temir jol kóligi jolaýshylaryna yńǵaily jaǵdailar jasaý.
Osy maqsatta «Nur Otan» partiiasynyń baqylaýymen aldaǵy 5 jylda mynadai ister qolǵa alynady:
2020 jyly 65 kóshede jáne 2 kópirde kúrdeli jóndeý, 227 kóshede ortasha jóndeý júrgiziledi;
2021 jyly qaladaǵy topyraq joldarǵa tolyǵymen tas tóselinedi;
2022 jyly 13 magistraldi jol qaita qurylady;
2021-2025 jyldary Rysqulov-Qonaev, Báidibek bi – Arǵynbekov kósheleri qiylysyndaǵy 2 úlken jolaiyryqtyń jáne 4 kópirdiń qurylysy júrip, iske qosylady;
2021 jyly №1 avtojol, Ál-Farabi kóshesiniń jalǵasy, al 2022 jyly Adyrbekov kóshesi qaita qurýdan ótedi;
2023 jyly Tashkent-Almaty baǵytynda kólikti ótkizý qabilettiligin arttyrý úshin Qonaev dańǵylynyń jalǵasy salynady;
2023-2024 jyldary qalanyń tranzittik ainalma joldaryn tolyǵymen sheńberleý úshin A-2 ainalma jolynyń qurylysy aiaqtalady;
2020-2021 jyldar aralyǵynda jańa áýejai terminaly salynady;
2020-2021 jyldary aralyǵynda temir jol vokzaly qaita qurýdan ótedi.
Kezdesý sońynda jumysshylar ózderin tolǵandyratyn turǵyn úi, kommýnaldyq qyzmet baǵalarynyń ósýi, jeńildetilgen nesieler jóninde suraqtaryn qoidy.
N.Balabiev turǵyn úi máselesine Partiianyń erekshe mán berip otyrǵandyǵyn, aldaǵy 5 jylda turǵyn úi qurylysynyń qarqyny artatyndyǵyn jetkizdi.
- 2021 jyly Shymkent siti shaǵyn aýdanynda 60 myń turǵynǵa zamanaýi kópqabatty úiler men oiyn-saýyq ortalyqtary salynady. 5 jylda 3 mln sh.m. baspana nemese 47 myń páter salynady. Osylaisha, 3 myńǵa jýyq kóp balaly otbasy men áleýmettik álsiz toptaǵy 532 azamat baspanamen qamtylady. Sondai-aq, 5 jylda 250 kópqabatty turǵyn úi jóndeýden ótedi. Biz turǵyndardyń sapaly ómir súrýi úshin naqty josparlardy iske asyramyz, - dedi úmitker jáne Korporatsiia ujymyn 10 qantar kúni ótetin sailaýǵa belsene qatysyp, durys tandaý jasaýǵa shaqyrdy.
«Nur Otan» – naqty ister partiiasy!
Shymkent qalasyndaǵy "Nur Otan" partiiasynyń sailaý qorynyń qarajatynan tólendi.
