Praimerizdiń birinshi kezeńi boiynsha sailaýshylardyń daýysyn esepteý jumysy tolyqtai aiaqtaldy, dep habarlaidy "Ult aqparat" Nur Otan partiiasynyń hatshysy Arman Qyryqbaevqa silteme jasap.
«Búgin praimerizdiń birinshi kezeńi boiynsha sailaýshylardyń daýysyn esepteý jumysy tolyqtai aiaqtaldy. Onlain-daýys berý nátijeleri belgili. Qaǵaz biýlletenderdiń barlyǵy partiianyń Ortalyq uiymdastyrý komitetine jetkizilip, rastaldy. Máselen, Jambyl, Túrkistan jáne Qyzylorda oblystarynyń shalǵai aýdandarynan jetkizilgen qaǵaz biýlletenderdiń sońǵy legin tańerteń aldyq. Endi búkil málimet «Praimeriz» aqparattyq júiesine tolyq salynyp, barshaǵa qoljetimdi boldy», dep jazdy Arman Qyryqbaev Facebook-tegi paraqshasynda.
Onyń aitýynsha, tórt kún boiy «Nur Otan»-nyń aqparattyq júiesinde tirkelgen músheleriniń 662 687-ci nemese 84,2%-i daýys berýge qatysqan. 581 104 partiialyq onlain-formatta daýys berse, al 81 583 nurotandyq dástúrli túrde qaǵaz biýlletenmen tańdaýyn jasaǵan.
«Osy kórsetkishterdiń ózi-aq elimizde ǵana emes, búkil Orta Aziiada tuńǵysh ret uiymdastyrylǵan jańa saiasi qural – praimerizge jurttyń erekshe qyzyǵýshylyq tanytqanyn jáne onyń óz deńgeiinde ótkenin aiqyn kórsetti.
Elbasy, partiia Lideri Nursultan Nazarbaev saiasi dodany ótkizer aldynda «Praimerizdiń mindeti – halyqtyq partiialyq tizimderdi qalyptastyrý» dep atap ótken bolatyn. Praimeriz nátijesi partiia Lideri qoiǵan tapsyrmanyń oryndalýyna qajetti alǵysharttyń naqty jasalǵanyn kórsetip otyr. Bastapqyda týyndaǵan keibir kúdik pen kúmánge qaramastan, praimeriz óte qarqyndy da tartysty ótti. Ásirese, dodaǵa qatysqandar arasynda jastar men áielder qatary mol», - dedi Arman Qyryqbaev.
Praimerizde baq synaýǵa 10 990 adam tirkelse, olardyń 36,7% - áielder, 29% – 35 jasqa deiingi jastar. Qatysýshylardyń ortasha jasy – 43.
«Tujyrymdap aitsaq, birinshiden, partiia praimerizdiń arqasynda óz qatarlastary arasynan eldiń qoldaýy men senimine ie bolǵan úzdikterdi iriktedi.
Ekinshiden, praimeriz ótkizý barysynda partiianyń aýyzbirshiligi artyp, ortaq maqsat jolyndaǵy murattas jandardyń birtutas kúshine ainaldy. Iaǵni, praimeriz partiialastardy bir-birimen tyǵyz bailanystyratyn, birligin bekemdeitin dánekerlik qyzmet atqardy.
Praimeriz barysynda halyqtyń nazaryna usynylǵan 216 sailaýaldy baǵdarlamanyń jobasy oi eleginen ótkizilip, oǵan 20 myńnan astam usynys jinaldy. Tyńnan oi qosylyp, atalǵan jobalar halyqtyq sipat ielendi.
Biz elimizde ótken praimerizde onyń shet elderde qalyptasqan klassikalyq úlgisine tán belgilerdiń barlyǵy da kórinis tapqanyna kýá boldyq. Qatysýshylar arasynda pikirsaiys ta, tartys ta, tipti keide bir-birin aiyptaý da ushyrasty. Biraq bári de bekitilgen erejege sai, ádepten aspai ótti. Bul jerde jeńgen men jeńilgen degen joq. Bári de utty. Praimeriz eń aldymen elimiz úshin igi is boldy», - dedi Arman Qyryqbaev.
Partiia hatshysynyń aitýynsha, praimeriz ótkizý kezeńi boiy Partiialyq baqylaý komiteti tyńǵylyqty jumys jasap, tártip buzýshylyqtarǵa jedel nazar aýdaryp, tiisti sharalar qabyldaǵan.
«Atap aitqanda, 30-dan astam aryz ben ótinish qaraldy. Praimeriz ótkizý erejesin buzǵany úshin partiianyń 20 múshesi jaýapkershilikke tartyldy, daýystardy burmalaý faktileri úshin 7 kandidat, praimeriz ótkizý erejesin saqtamaǵany úshin 27 úmitker tirkeýden shyǵaryldy.
Jalpy, praimeriz nátijesinde Elbasy bastamasymen byltyr qolǵa alynǵan partiiany «qaita jandandyrý» baǵdarlamasy túiindeldi. Partiia túbegeili jańǵyryp, qatary jańa tulǵalarmen tolyqty. Osylaisha, «Myqty liderler – myqty partiia» qaǵidaty júzege asty», - dedi Arman Qyryqbaev.
Ol aitýly sharaǵa qatysqan barsha úmitkerdi quttyqtady.
««Nur Otan» partiiasy – memlekettiligimizdiń myzǵymaýyn, elimizdiń ósip órkendeýin qamtamasyz etýge de birden bir qaýharly saiasi kúsh. Muny praimeriz nátijeleri anyq kórsetti. Partiia elimizde jańa saiasi mádenietke negiz qalady», - dedi partiia hatshysy.
