Shyǵys Qazaqstan oblysynyń alty aýdanynda praimeriz kandidattarynyń ashyq pikirsaiysy bastaldy, dep habarlaidy "Ult aqparat".
«Nur Otan» partiiasy ShQOF baspasóz qyzmetiniń málimetinshe, aýdandyq filialdardyń atynan praimerizge qatysýshylar pikirsaiys barysynda turǵyndardy mazalaityn suraqtardy talqylap, óz baǵdarlamalaryn tanystyrdy.
«Altai aýdany boiynsha Buqtyrma sý qoimasy jaǵalaýyndaǵy týristik infroqurylymdy jaqsartý qajettigi, sondai-aq Jańa Buqtyrma kentindegi qazaq mektebi ornalasqan ǵimarattyń zaman talabyna sai emes ekendigi sóz etildi. Diplommen aýylǵa baǵdarlamasy aiasynda jas mamandardy aýyldyq jerlerge tartýdy jáne shańǵy sportyn damytý úshin jattyqtyrýshylarǵa qosymsha jumys ornyn ashý máselesin Shemonaiha aýdanynyń praimerizge qatysýshy úmitkerleri kóterdi», - delingen habarlamada.
Semei, Kýrchatov, Besqaraǵai, Katonqaraǵai aýdandarynda ótken ashyq pikirsaiysqa qatysýshylar da óńirlerdegi áleýmettik máselelerdi kóterip, óz usynystarymen bólisti.
.jpeg)