Shyǵys Qazaqstan oblysynda «Nur Otan» partiiasy praimeriziniń ashyq pikirsaiysyna 50-den astam úmitker qatysyp, qoǵamnyń ár salasyndaǵy ózekti máselelerdi kóterdi, dep habarlaidy "Ult aqparat".
«Nur Otan» partiiasy Shyǵys Qazaqstan oblystyq fiialy baspasóz qyzmetiniń málimetinshe, oblystyń aýdan ortalyqtarynda ótken pikirsaiysta praimerizge qatysýshylar óz baǵdarlamalarynda eldimekenderdegi túitkildi máselelerdi sóz etti.
«Aýyldy jerlerde turatyn halyqty sapaly aýyzsýmen tolyqtai qamtamasyz etý, jol máselesi, bilim salasyndaǵy problemalar men meditsinadaǵy ózekti suraqtardy óz baǵdarlamamnyń basym baǵyttaryna jatqyzamyn», - dedi úmitkerlerdiń biri Darhan Abýlhanov.
Pikirsaiystyń birinshi kezeńinde qatysýshylar óz baǵdarlamalaryn tanystyrsa, ekinshi kezeńinde suraqtarǵa jaýap beredi. Debatty onlain kórip otyrǵan dúiim jurt spikerlerge óz saýaldaryn áleýmettik jeli arqyly qoiýǵa múmkindik aldy.
«Elimiz egemendik alǵan kúnnen bastap ózge eldegi qandastarymyz Elbasymyz Nursultan Nazarbaevtyń bastamasymen «Nurly kósh» baǵdarlamasy arqyly atamekenge oralýǵa múmkindik aldy. Búgingi kúnge deiin milliondaǵan baýyrlarymyz Otanyna kelip tabysty qyzmet etýde. Memleket tarapynan kórsetilip jatqan qoldaýlar da bar. Dese de qandastarǵa qatysty máseleler az emes, atap aitqanda azamattyq alýdaǵy túrli qiyndyqtar, baspanamen qamtý, ortaǵa beiimdeý jumystaryn júrgizý syndy máseleler sheshýdi qajet etedi», - dedi praimerizge qatysýshy Áskerhan Hýanbai.
Óskemen qalasynda ótken pikirsaiysqa «Nur Otan» partiiasy Shyǵys Qazaqstan oblystyq filialy tóraǵasynyń birinshi orynbasary Oleg Chýgýnkov qatysyp, úmitkerlerge sáttilik tiledi.
Aita keteiik, ótkir máseleler talqylanǵan ashyq pikirsaiystar 30 qyrkúiekke deiin jalǵasady.
.jpeg)