«Nur Otan» áleýmettik jelilerdegi resmi paraqshalarynda praimeriz ótkizý máselesi boiynsha arnaiy jedel jeliniń iske qosylatynyn jariialady, dep habarlaidy "Ult aqparat" partiianyń baspasóz qyzmetine silteme jasap.
Naqtyraq aitqanda úmitkerler 8 800 080 44 41 tegin nómirine habarlasyp, partiiaishilik irikteýge qatysý úshin ótinimdi qalai beretinin, onlain-oqýǵa qatysý múmkindigi jáne praimerizge qatysty ózderin tolǵandyrǵan basqa da suraqtarǵa jaýap alady.
«Onlain-konsýltatsiiany komek@nurotan.kz elektrondy poshtasy, 8 700 800 44 41 WhatsApp-nómeri, sondai-aq Facebook (Halyqqa Kómek) jáne Instargam (halykkakomek) jelileri arqyly da alýǵa bolady», - delingen habarlamada.
Aita keteiik, ótken aptada «Nur Otan» partiiasynyń tóraǵasy Nursultan Nazarbaev 2020 jyldyń 17 tamyzy men 3 qazany aralyǵynda praimeriz ótkizý týraly qaýlyǵa qol qoiǵan bolatyn.
Partiia tóraǵasynyń birinshi orynbasary Baýyrjan Baibek atap kórsetkendei, praimerizdiń negizgi maqsaty – aldaǵy Májilis pen barlyq deńgeidegi máslihattar sailaýlaryna partiialyq tizimderdi qalyptastyrý úshin básekeles kúres negizinde jańa kóshbasshylardy aiqyndaý. Partiia saitynda jariialanǵan partiiaishilik irikteý ótkizý erejesine sáikes, praimeriz ótkizý arqyly «Myqty liderler - Myqty partiia» qaǵidaty boiynsha shynaiy jáne myqty kóshbasshylardy partiia qataryna tartý, belsendi jáne bastamashyl azamattar úshin «áleýmettik lift» qurý, eldi damytý máselelerin talqylaýǵa kópshilikti jumyldyrý, aimaqtardaǵy júieli jumys úshin ózekti máselelerdi anyqtaý, sondai-aq, kandidattardyń jeke jaýapkershiligin arttyrý kózdeledi.
Óz kezeginde Saiasi menedjment mektebi praimerizge qatysýshylarǵa arnalǵan «Praimeriz. Jariia saiasat. Depýtattyń beinesi qandai bolýy kerek?» dep atalatyn oqý baǵdarlamasynyń bastalatynyn jariialady.
Seminarlarda belgili saiasattanýshylar, memlekettik jáne qoǵamdyq qairatkerler, psihologtar spiker retinde sóz sóileidi. Olardyń ishinde Ermuhamet Ertisbaev, Aidos Sarym, Rasýl Jumaly, Andrei Chebotarev, Saiasat Nurbek jáne basqalar bar.
Oqytý baǵdarlamasy onlain rejimde ótetin tórt modýlden turatyny aityldy.
Olar: partiiaishilik irikteý-praimerizin iske asyrý mehanizmi, praimerizdi ótkizýdiń halyqaralyq tájiribesi, depýtattyń biliktegi róli men orny, depýtattyń beinesi, imidj jáne minez-qulyqtyń tiimdi úlgisin qalyptastyrý, saiasi sheshendik.
