«Nur Otan» partiiasynyń janynan 9 jańa qoǵamdyq keńes qurylady. Osylaisha, olardyń jalpy sany 14-ke jetedi, dep habarlaidy partiianyń baspasóz qyzmeti.
«Nur Otan» partiiasynyń Lideri, Elbasy N.Á.Nazarbaevtyń partiianyń «Ózgerister joly: Ár azamatqa laiyqty ómir!» sailaýaldy baǵdarlamasyn, sondai-aq, oblystar, qalalar men aýdandarǵa arnalǵan 216 óńirlik sailaýaldy baǵdarlamanyń júzege asyrylýyn júieli baqylaýdy qamtamasyz etý jónindegi tapsyrmasy aiasynda partiia janynda 14 qoǵamdyq keńes jumys isteitin bolady. Árbir keńes partiia sailaýaldy baǵdarlamasynyń naqty bir baǵytymen ainalysady.
Jumys istep turǵandary:
- Partiialyq baqylaý komiteti;
- Sybailas jemqorlyqqa qarsy keńes;
- Mádeniet pen ónerdi damytý máseleleri jónindegi «Miras» keńesi;
- Quqyqtyq keńes;
- Otbasy, áielder jáne balalardyń quqyǵyn qorǵaý jónindegi keńes.
Jańadan qurylatyn keńester:
- Ekonomikany damytý jáne kásipkerlikti qoldaý jónindegi keńes;
- Bilim men ǵylymdy damytý jónindegi keńes;
- Ult densaýlyǵy máseleleri jónindegi keńes;
- Jumyspen qamtýdy jáne halyqtyń áleýmettik álsiz toptaryn qoldaý jónindegi keńes;
- Óńirlik damý jónindegi keńes;
- Azamattyq qoǵam men memlekettik basqarýdy damytý jónindegi keńes;
- Jastardy qoldaý jónindegi keńes;
- Ekologiialyq keńes;
- Agrarlyq sektordy damytý jónindegi keńes.
Qoǵamdyq keńesterdiń jańa qurylymyn, sondai-aq tiisti basshylardyń kandidatýralaryn partiia Saiasi keńesiniń Biýrosy bekitedi. Ortalyq jáne óńirlik deńgeidegi keńesterdiń quramyna partiialyq tizimderden 2 myńǵa jýyq rezervshi, sarapshylar men azamattyq qoǵam ókilderi tartylady dep josparlanýda.
Eske sala keteiik, sailaýaldy ýádelerdi oryndaý jónindegi Respýblikalyq Jol kartasy Premer-Ministr men Úkimet músheleriniń qatysýymen Májilistegi fraktsiia otyrysynda talqylanǵan bolatyn. Óńirlerde sailaýaldy baǵdarlamalardy oryndaý boiynsha 216 jol kartasy jariia talqylandy jáne bekitildi.
Partiianyń Ortalyq apparaty jumysty jalpy úilestirýdi júzege asyrady. Al Úkimet pen ákimder janyndaǵy respýblikalyq jáne óńirlik shtabtar tiisinshe respýblikalyq deńgeide – 1,7 myńnan astam jáne óńirlik deńgeide – 81 myńnan astam indikatordy oryndaýǵa alady. Biyldyń ózinde indikatorlardyń 24%-in oryndaý josparlanyp otyr.
