Jambyl oblysynda ákimniń orynbasary men bas dáriger jazalandy, dep habarlaidy "Ult aqparat" «Egemen Qazaqstan» basylymyna silteme jasap.
Jambyl oblysyndaǵy Merki aýdandyq aýrýhanasynyń infektsionist dárigeri Tolqynai Ordabaeva jýyrda Feisbýk áleýmettik jelisine jazba jariialap, saladaǵy birqatar kemshilikterdi aitqan bolatyn.
Sonymen qatar, ol óziniń jazbasynda koronavirýs indetin juqtyryp, Taraz qalasynda em alyp jatqanyn aita kele, bul iske oblystyq densaýlyq saqtaý basqarmasynyń basshysy Marat Jumanqulov pen aýdandyq aýrýhana bas dárigeriniń orynbasary Jańyl Shoibekovany kinálaǵan bolatyn.
Málimetterge sáikes, Nur Otan partiiasynyń komissiiasy koronavirýs infektsiiasyn juqtyrǵan dáriger Tolqynai Ordabaeva jumys isteitin Merki aýdanyndaǵy aýrýhanada zańbuzýshylyq baryn anyqtaǵan. Jazbada kórsetilgendei, aýdandyq aýrýhana ákimshiligi meditsina qyzmetkerlerine meditsinalyq maskany ózderi tigýdi talap etken. Sondai-aq, jumysta olarǵa maskalar men qorǵanys quraldary berilmegen. Osyǵan bailanysty Merki aýdandyq aýrýhanasy bas dárigeriniń mindetin atqarýshy Daniiar Núsipbekov pen osy salaǵa jetekshilik etetin Merki aýdany ákiminiń orynbasary Marat Qasym partiialyq jaýapkershilikke tartyldy.
