Elimiz Tuńǵysh Prezident kúnin atap ótti. Merekege orai «Nur Otan» partiiasynyń Ońtústik Qazaqstan oblystyq filialy qamqorlyq sharasyna uiytqy boldy, dep habarlaidy "Ult aqparat".
Qaraýynda múgedek balalary bar 30 anaǵa «nurotandyqtar» «Kedergisiz keleshek» partiialyq jobasy aiasynda syi-syiapat jasap, qurmet kórsetti.
– Eldegi ekonomikalyq-áleýmettik jáne saiasi reformalar, halyqaralyq jáne óńirlik bastamalar, jahandyq jasampaz isterdiń barlyǵy Tuńǵysh Prezidentimiz Nursultan Nazarbaevtyń esimimen tikelei bailanysty. Qazaqstannyń Tuńǵysh Prezidenti kúnin atap ótý, ony halyqtyq merekege ainaldyrý ulttyń mereiin ósiredi. Bul - jańǵyrýdyń, jańashyldyqtyń belgisi ǵana emes, ótkenniń ónegesi, ulynyń ulaǵaty, – dedi «Nur Otan» partiiasy OQO filialy tóraǵasynyń birinshi orynbasary Nurmahan Joldasov.
Ol múmkindigi shekteýli balalaryn baǵyp-qaǵyp otyrǵan ardaqty analarǵa zor densaýlyq, taýsylmas kúsh-qýat tiledi. Mańyzdysy - merekelik jiynǵa kelgen analar dóńgelek ústel basynda N.Joldasovqa áleýmettik kómek taǵaiyndaý, qoǵamdyq kóliktegi jeńildikter, dári-dármekpen qamtamasyz etý boiynsha suraqtaryn qoidy. Partiialyqtar saýaldarǵa tolyqqandy jaýap berip, olardyń usynys-tilekterin qabyldady.
