Memleket basshysy, «Nur Otan» partiiasynyń Tóraǵasy Nursultan Ábishuly Nazarbaev: «Partiia qoǵamnyń qalyń toptaryn biriktire otyryp, qazaqstandyqtardy jalpyulttyq mindetterdi sheshýge jumyldyra aldy. «Nur Otan» qoǵamnyń barlyq suranystaryna shuǵyl ún qatatyn toptastyrýshy, jaýapkershilikti jáne halyqtyq saiasi uiymǵa ainaldy...», - dep atap kórsetken bolatyn.
27 aqpanyn kúni Astana qalasynda «Nur Otan» partiiasynyń kezekti XVIII Sezi ótedi.
«Nur Otan» partiiasynyń Tóraǵasynyń birinshi orynbasary Máýlen Áshimbaev: «Kezekti sezd partiianyń 20 jyldyǵyna orai uiymdastyrylyp otyr. Sezde partiianyń 2030 jylǵa deiingi jańa Baǵdarlamasyn talqylaý, partiia Jarǵysyna ózgertýler men tolyqtyrýlar engizý, partiialyq organdardyń esebin tyńdaý jáne partiia Saiasi keńesiniń quramyn jańartý josparlanýda. Atalǵan sezdiń partiiamyzdyń 20 jyldyǵy aiasyndaǵy basty is-shara bolaryna jáne aldaǵy jyldardaǵy maqsat-mindetterdi anyqtap, bizdiń saiasi uiymnyń odan ári jańǵyrýyna tyń serpin beretinine senimimiz mol» degen-di.
Atalmysh jiyn qarsańynda sezdiń máni men mańyzy jóninde birneshe pikirdi toptastyrǵan edik. Marhabat!
Qyzylorda oblystyq ardagerler keńesiniń tóraǵasy Serik Dúisebaev:
- «Nur Otan» partiiasynyń kezekti XVIII sezi álemdik órkeniettiń dańǵyl jolyna túsken egemen elimiz úshin mańyzdy kezeńde ótkeli otyr.Búginde úlken saiasi kúshke ainalǵan jetekshi partiia qurylǵannan bastap barsha qazaqstandyq azamattardyń bastamalary men kúsh-jigerin, elimizdiń jaýapkershiligi joǵary saiasi kúshterin bir arnaǵa baǵyttai otyryp, qoǵamdaǵy kóshbasshylyq rólin nyq ustap keledi. Elbasynyń ómirsheń ideialarynyń altyn arqaýy – Qazaqstandy álemniń damyǵan 30 eliniń qataryna qosý, «Máńgilik el» bolý jolynda rýhani damý siiaqty mańyzy zor jasampazdyq baǵyttaryn júzege asyrý.
Memleket basshysy, «Nur Otan» partiiasynyń Tóraǵasy N.Á.Nazarbaev sezd barysynda alda júrgiziletin saiasi reformalardyń negizgi baǵyttaryn tanystyrady. Iaǵni, damý jolyndaǵy dara bastamalar saiasi elitanyń ortaq talqysyna salynyp, kópshiliktiń paiymdy pikirleri de eskeriledi dep kútilýde. Elimizdiń strategiialyq damý baǵytynyń basymdyqtary aiqyndalyp, el ekonomikasynyń odan ári órkendeýi men halyqtyń áleýmettik-turmystyq jaǵdaiyn jaqsartý máseleleri de kún tártibinen tabylmaq. Árine, búkil otandastarymyzben qatar bizdiń Syr óńiriniń ardagerleri de osy bedeldi partiia forýmynyń keleshekke baǵyttalǵan sheshimderinen úlken úmit kútip, zor senim artady.
BQO, «Nur Otan» partiiasynyń Shyńǵyrlaý aýdandyq filialynyń keńesshisi Alina Amantaiqyzy:
- N.Ə.Nazarbaev jetekshilik etetin «Nur Otan» partiiasy elimizdegi qoǵamdy uiymdastyratyn kóshbasshy partiia ǵana emes, álemdik deńgeide de ózindik joly, baǵyt-baǵdary aiqyn saiasi kúsh. Qazaqstan búgingi kúni irgesi berik, yntymaǵy jarasqan, ekonomikasy kúnnen-kúnge, jańashyldyqqa umtylyp innovatsiialyq-indýstrialdy baǵytta damyǵan qýatty memleketke ainalýda. Mine, osynaý təýelsizdik alǵan jyldar aiasyndaǵy el yrysyn arttyryp, bereke-birligin nyǵaitý jolyndaǵy «Nur Otan» partiiasynyń úlesi zor, izi aishyqty.
Memleket basshysy óz málimdemesinde aldaǵy «Nur Otan» partiiasynyń sezinde el úshin mańyzy zor sheshimder qabyldanyp, jańa mindetter qoiylatynyn aitty. Osy baǵytta áleýmettik qoldaýdy kúsheitýge jáne azamattardyń turmys sapasyn arttyrýǵa arnalǵan birqatar sharalar usynatynyn jetkizdi.
27 aqpan kúni Elordamyzda ótetin mańyzdy májiliste kelesi onjyldyqqa 10 maqsatty jańa baǵdarlamanyń jobasy daiyndalady. Bul qujat buǵan deiin berilgen tapsyrmalardyń júieli túrde júzege asýyna septigin tigizedi dep oilaimyn. Endeshe,aldaǵy saiasi mańyzdy is-sharadan kúterimiz kóp.
