Ashat Oralov «Nur Otan» partiiasynyń atqarýshy hatshysy bolyp taǵaiyndaldy, - dep habarlaidy "Ult aqparat" partiianyń baspasóz qyzmetine silteme jasap.
«Nur Otan» partiiasynyń Tóraǵasy Qasym-Jomart Kemeluly Toqaevtyń qaýlysymen partiianyń Atqarýshy hatshysy bolyp Oralov Ashat Razdyquly taǵaiyndaldy», - delingen habarlamada.
Aita keteiik, Qasym-Jomart Toqaev Nur Otan partiiasynyń kezekten tys sezinde sóilegen sózinde partiia qurylymyn qaita qarap, ońtailandyrýdy tapsyrǵan bolatyn.
Ashat Oralov 1990 jyly Pavlodar oblysynda týǵan. Lev Nikolaevich Gýmilev atyndaǵy Eýraziia Ulttyq Ýniversitetin, QR SIM Máskeý memlekettik halyqaralyq qatynastar ýniversitetin támamdaǵan.
Eńbek jolyn 2011 jyly Lev Gýmilev atyndaǵy Eýraziia ulttyq ýniversitetiniń Áleýmettik tárbie jumysy departamenti jastar uiymdarymen jumys jónindegi bóliminiń bas mamany retinde bastady.
Ár jyldary Lev Gýmilev atyndaǵy Eýraziia ulttyq ýniversitetinde, Nur Otan partiiasynyń filialynda, Astana qalasynyń Jastar saiasaty máseleleri basqarmasynda, QR Din isteri jáne azamattyq qoǵam ministrliginde, QR Qoǵamdyq damý ministrliginde jumys istedi.
2019 jyly Pavlodar oblysy ákiminiń orynbasary boldy.
2020 jylǵy shildeden bastap qazirgi ýaqytqa deiin QR aqparat jáne qoǵamdyq damý vitse-ministri bolyp jumys istedi.
2021 jylǵy 12 shildeden bastap Nur-Sultan ákiminiń orynbasary qyzmetin atqardy.
