Foto: Tengrinews.kz/Turar Qazanǵapov
"Nur Otan" partiiasynyń ataýyn "Amanat" dep ataý usynyldy, dep habarlaidy Sputnik Qazaqstan.
Májilis spikeri Erlan Qoshanov elmen birge partiia da jańǵyrýy qajet ekenin atap ótti.
"Partiianyń tabiǵaty da, ataýy da ózgerip jańarýy kerek dep sanaimyz. Mundai ózgerister qajet ekenin óńirlerge barǵan kezdegi kezdesýlerde baiqadyq. Bul másele aldyn ala jan-jaqty talqylandy. Birqatar usynys aityldy. Pikirlese kele, partiiamyz "Amanat" degen ataýǵa laiyq degen toqtamǵa keldik", - dedi ol "Nur Otan" partiiasynyń kezekten tys XXII sezinde.
Onyń aitýynsha, uiymnyń ideologiiasyn jańa mazmunmen tolyqtyryp, tiimdi jumys tásilderin engizý kerek.
"Babalarymyz bizge Altaidan Atyraýǵa, Arqadan Alataýǵa deiingi ulan-ǵaiyr jerdi qaldyrdy. Myńjyldyqtardyń ar jaǵynan bastaý alatyn bai tarihymyzdy búginge jetkizdik. Sonymen qatar eldik muratymyzdy, ulttyq muramyzdy, birliktiń, tatýlyqtyń dástúrin urpaqqa tabystady. Osy el men osy jerdi bizge ata-babalarymyz amanat etip tapsyrdy", - dedi spiker.
Ol endigi mindet ony keler urpaqtarǵa laiyqty amanat etý dep otyr.
"Biz - el birligin, halyq tutastyǵyn, ulttar tatýlyǵyn, eńbekqorlyqty, biliktilikti bolashaq zamandarǵa jańartyp, jańǵyrtyp jetkizýge mindettimiz. Bul iste tyńnan túlegen, syndarǵa shyńdalǵan partiiaǵa júkteler jaýapkershilik salmaǵy orasan. Biz qashan da babalar amanatyna adal bolýǵa tiispiz. Bul - bizdiń perzenttik paryzymyz. Sondyqtan elimizdiń eń basty saiasi uiymnyń "Amanat" dep atalýy oryndy dep oilaimyz", - dedi Qoshanov.
Sezde Májilis fraktsiiasynyń depýtattary partiia ataýyn "Amanat" dep ózgertýdi usynamyz, dep túiindedi ol.
