«Nur Otan» partiiasy saiasi keńesiniń jańa quramyna kimder kirgeni belgili boldy, - dep habarlaidy "Ult aqparat".
«Nur Otan» partiiasynyń sezinde partiianyń saiasi keńesiniń quramyna ózgerister engizý máselesi qaralǵany habarlandy. Oǵan partiia músheleriniń sanyna sáikes barlyq oblys ókilderi kirgen.
«389 delegattyń 389-y Saiasi keńes quramynyń ózgeristerine daýys berdi. Oǵan partiia músheleriniń sanyna proportsionaldy túrde barlyq óńirdiń ókilderi endi. Jalpy, partiianyń joǵary ókildi organy 55%-ke jańardy.
Áielder ókildigi 33,7 paiyzǵa ósti. 35 jasqa deiingi jastardyń úlesi 6 ese ósip, 13 paiyzǵa jetti. Ortasha jas 4 jylǵa qysqaryp, 47 jasty qurady. Memlekettik qyzmetshiler sany úshten bir esege qysqardy.
Saiasi keńes quramynda azamattyq sektordyń ókildigi aitarlyqtai artty. Bilim berý salasynyń ókilderi eki ese ósti (10 paiyz). ÚEU men BAQ úlesi eki eseden astam ósip, 15,2 paiyz ulǵaidy», - dep jazylǵan partiia habarlamasynda.
Aita keteiik, Saiasi keńestiń aldyńǵy tiziminde 100 adam bolǵan, jańa tizimge enbegender qatarynda – Mádeniet jáne sport ministri Dáýren Abaev, QR Memlekettik hatshysy Erlan Qarin, Májilis depýtaty Dariǵa Nazarbaeva, «Nur Otan» partiiasy Tóraǵasynyń birinshi orynbasary Baýyrjan Baibek, burynǵy Premer-Ministr Asqar Mamin, Almaty qalasynyń ákimi Baqytjan Saǵyntaev, Esep komitetiniń tóraǵasy Natalia Godýnova bar.
Al jańa músheler qatarynda – Memleket basshysy Qasym-Jomart Toqaev, Parlament Senatynyń tóraǵasy Máýlen Áshimbaev, Májilis tóraǵasy Nurlan Nyǵmatýlin, Prezident ákimshiliginiń jetekshisi Erlan Qoshanov bar.
