«Nur Otan» partiiasynyń Qostanai oblystyq filialy tóraǵasynyń birinshi orynbasary taǵaiyndaldy, dep habarlaidy "Ult aqparat".
Saiasi keńestiń aimaqtyq biýrosynyń usynysymen «Nur Otan» partiiasy Qostanai oblystyq filialy tóraǵasynyń birinshi orynbasary bolyp Eldar Kúzenbaev taǵaiyndaldy.
E.Q.Kúzenbaev 1982 jyly týǵan. Quqyqtaný mamandyǵy boiynsha Qostanai memlekettik ýniversitetin jáne Qostanai injenerlik-ekonomikalyq ýniversitetin qarjyger mamandyǵy boiynsha bitirgen. Ár jyldary Qostanai oblysy Qarabalyq jáne Qostanai aýdandarynda ádilet basqarmasynyń basshysy, Uzynkól aýdany ákiminiń orynbasary, Sarykól aýdanynyń ákimi boldy. 2018 jyldyń shilde aiynan bastap E.Kúzenbaev Arqalyq qalasynyń ákimi, «Nur Otan» partiiasy qalalyq filialynyń tóraǵasy qyzmetterin atqardy.
Aita keteiik, «Nur Otan» partiiasynyń Lideri Nursultan Nazarbaevtyń partiianyń jumysyn jandandyrý jáne kadrlardy jańartý jónindegi tapsyrmasyna sáikes, buǵan deiin Erlan Kanalimov Nur-Sultan qalasyndaǵy partiia filialy tóraǵasynyń birinshi orynbasary bolyp taǵaiyndalǵan bolatyn. Sondai-aq, Túrkistan jáne Batys Qazaqstan, Pavlodar men Soltústik Qazaqstan oblystaryndaǵy filial tóraǵasynyń birinshi orynbasarlary da aýysty.
