Nur Otan partiiasynyń Almaty filialy qala ákiminiń tapsyrmasyna sáikes meditsina qyzmetkerleriniń ýaqytsha turyp jatqan oryndaryn partiialyq baqylaýǵa alýdy, dep habarlaidy "Ult aqparat".
Jýyrda Almaty qalasy ákiminiń orynbasary Erjan Babaqumarov bastaǵan, quramynda partiialyq baqylaý komissiialarynyń tóraǵalary, aýdan ákimderiniń orynbasarlary, aýdandyq SES jáne AMB ókilderi, qoǵamdyq uiymdardyń volonterleri bar jumys toby meditsina qyzmetkerleriniń turyp jatqan oryndaryn tekserip, epidemiologiialyq normalardy saqtaý boiynsha birqatar tapsyrmalar bergen bolatyn.
Búgin Medeý aýdanynda partbaqylaýdyń monitoring toby ekinshi ret Abai atyndaǵy Qazaq ulttyq pedagogikalyq ýniversitetiniń №3 jataqhanasy men «Mika siti otel» qonaq úiin tekserdi. Bul jerde 124 meditsina qyzmetkeri turady. Partiialyq komissiia tarapynan birinshi monitoring kezinde anyqtalǵan kemshilikterdiń joiylýy tekserildi.
«Iá, shynymen de monitoring tobymen meditsina qyzmetkerleri turatyn nysandardy qaita baqylaý kezinde epidemiologiialyq talaptardyń saqtalmaǵandyǵy jóninde faktiler anyqtalǵan bolatyn. Olardy joiý boiynsha kúndelikti jumys atqaryp jatyrmyz. Sondai-aq, qaita baqylaý kezinde meditsina qyzmetkerleri tarapynan birqatar tilek-usynystar aitylyp, suraqtar qoiylǵan bolatyn. Olar partiianyń qalalyq filialynyń tóraǵasy, qala ákimine jetkizilip, baqylaýǵa alyndy», - dep atap ótti Nur Otan partiiasy Medeý aýdandyq filialynyń partiialyq baqylaý komissiiasynyń tóraǵasy Ámirjan Nábiev.
Meiirbike Baqyt Ábildaevanyń aitýynsha, ótken aptada komissiia kelip olardyń tamaqtanýy men qorǵanys quraldarymen qamtylýyn teksergen.
«Nur Otan partiiasy demeýshilermen birigip, sanitaizerler men jemis-jidekter ákelip berdi. Áriptesterim «Birgemiz» qorynan 50 myń teńge materialdyq kómek alyp jatyr. Elbasymyz ben Prezidentimizge meditsina qyzmetkerleriniń qamyn oilap, kómektesip jatqandaryna alǵysymyzdy bildiremiz», - dedi Baqyt Ábildaeva.
Aldaǵy ýaqytta, tekserý qorytyndylary boiynsha monitoring toptary daiyndaǵan anyqtamalar tolyq taldanyp, tiisti sheshimder qabyldanatyn bolady.
