«Nur Otan» partiiasynyń Ortalyq apparaty Túrkistan oblysynda sý tasqynynan zardap shekken turǵyndarǵa 40 tonnadan astam gýmanitarlyq kómek jóneltti.
Bul týraly búgin óziniń Instagram paraqshasynda «Nur Otan» partiiasy tóraǵasynyń birinshi orynbasary Baýyrjan Baibek jazdy, dep habarlaidy "Ult aqparat".
«Qurmetti dostar! Ózderińizge málim, kórshiles Ózbekstanda sý qoimasy bógetiniń buzylýy saldarynan Túrkistan oblysy Maqtaral aýdanynyń eldi mekenderin sý basyp, 30 myńnan astam turǵyn evakýatsiialandy. ⠀
Memleket basshysy Qasym-Jomart Toqaev úkimettik komissiiaǵa tez arada turǵyn úiler men infraqurylymdy qalpyna keltirý, turǵyndarǵa áleýmettik kómek kórsetý jumystaryn júrgizýdi tapsyrdy. ⠀
Tótenshe jaǵdai bolǵan alǵashqy kúnnen bastap «Nur Otan» partiiasy bul oqiǵadan syrt qalmady. Partiia filialy men músheleri zardap shekken turǵyndarǵa barynsha kómek kórsetýde»,-dep jazdy B.Baibek.
Onyń jazýynsha, búgin partiianyń Ortalyq apparaty elordadan Túrkistan oblysyna 40 tonnadan astam gýmanitarlyq kómek, onyń ishinde azyq-túlik pen birinshi kezekte qajet taýarlardy jóneltti.
Sondai-aq sý tasqyny bolǵan jerde tikelei «Jas Otan» volonterlarynan shtab qurylyp, olar zardap shekken turǵyndarǵa júkti úlestirip berýge atsalysady.
