«Nur Otan» partiiasy áleýmettik jelilerde uiymdastyrǵan tikelei efirler barysynda halyqtyń 15 myńǵa jýyq suraǵyna jaýap berildi, dep habarlaidy "Ult aqparat" partiianyń resmi saityna silteme jasap.
«Nur Otan» partiiasy azamattardyń ótinishterine jedel jaýap berý jáne memlekettiń túrli bastamalaryn belsendi túrde túsindirý maqsatynda áleýmettik jelilerdiń onlain-platformalaryn belsendi igerýde. Bir apta ishinde partiianyń aimaqtyq filialdary tóraǵalarynyń birinshi orynbasarlary Facebook jáne Instagram jelilerinde tikelei efirler uiymdastyryp, halyqtan kelip túsken 15 myńǵa jýyq suraqqa jaýap berdi.
Statistikaǵa sáikes, talqylaýdyń basty taqyryby Elbasynyń bastamasymen qurylǵan «Birgemiz» qorynan beriletin kómektiń ekinshi kezeńi týraly boldy. Sondai-aq, suraqtardyń kópshiligi memleketten 42 000 teńge tólem alý tártibine, kommýnaldyq qyzmetterdi tóleý úshin beriletin kómekti alý mehanizmderine jáne basqa da áleýmettik qoldaý sharalaryna qatysty boldy.
Máselen, turǵyndarmen onlain-suhbat barysynda partiianyń Qyzylorda oblystyq filialy tóraǵasynyń birinshi orynbasary Aqmaral Álnazarova 200-ge jýyq suraqqa jaýap berdi. Onyń aitýynsha, aimaqtaǵy 6 myńnan astam otbasy «Birgemiz» qorynan 50 myń teńge kómek alsa, al mamyr aiynda qarajat taǵy 8 myń januiaǵa berilmek. Olardyń ishinde az qamtylǵan jáne kópbalaly otbasylar, birinshi toptaǵy múgedekter, jetimder, UOS ardagerleri jáne taǵy basqalar bar.
Kommýnaldyq tólemder úshin beriletin 15 myń teńge ótemaqyn jaiynda shymkenttikter surady. Atap aitqanda, qala turǵyndarynyń biri «bul aqshany páterdi jaldaýshylar ala ala ma?» degen suraǵyn joldady. Tikelei efirde «Nur Otan» qalalyq filialy tóraǵasynyń birinshi orynbasary Bahadyr Narymbetov dereý turǵyn úi departamentiniń basshylyǵymen jáne qalanyń turǵyn úi inspektsiiasymen telefon arqyly bailanys ornatyp, onda olar ókinishke qarai, jalǵa alýshylar bul ótemaqyny talap ete almaityndyǵyn túsindirdi.
Eki saǵatqa sozylǵan tikelei efir barysynda spikerge 3 myńǵa jýyq suraq qoiyldy. Sondai-aq, «Birgemiz» qorynan beriletin tólemder týraly suraq qoiǵandardyń qatary da kóp boldy. Atalǵan tólemdi alýshylardyń sanattaryn túsindire otyryp, Bahadyr Narymbetov shymkenttik 22 myńǵa jýyq otbasyǵa materialdyq kómek kórsetilgenin, al taǵy 20 myńy jaqyn kúnderi alatynyn atap ótti. Sonymen qatar, tótenshe jaǵdai kezinde 2 myńnan astam muqtaj otbasyǵa sanitarlyq qorǵanysh quraldary men azyq-túlik berildi.
Naǵyz rekordty Atyraý oblysynyń nurotandyqtary ornatty. Munda partiia filialy tóraǵasynyń birinshi orynbasary Nurlybek Ojaevtyń tikelei efirin 30 myńǵa jýyq adam kórdi. Ol kómek karantindik sharalardyń zardabyn tartyp otyrǵan otbasylarǵa kórsetilip jatqanyn túsindirdi. Ony alýshylardyń tizimderin áleýmettik jaǵynan osal toptardyń azamattaryn usyna otyryp, ákimdik pen áleýmettik qorǵaý organdary jasady.
Al Túrkistan oblysynda tikelei efir osymen ekinshi ret ótti. Oblys turǵyndarynyń áleýmettik máselelerge qatysty suraqtarynyń kóptigin eskere otyryp, partiianyń oblystyq filialy tóraǵasynyń birinshi orynbasary Beisenbai Tájibaev onlain-kezdesýdi ákimdik pen áleýmettik saqtandyrý qorynyń ókilderimen birge ótkizdi. Túrkistandyqtar tótenshe jaǵdaidyń qashan aiaqtalatynyna, qalaǵa kirip-shyǵýǵa kimderge ruqsat beriletinine qatysty saýaldaryn ortaǵa tastady. Karantin kezinde kórsetilgen áleýmettik kómek úshin partiia músheleri men demeýshilerge alǵystaryn jetkizgen turǵyndar qatary da az bolǵan joq.
Óskemen men Semeidiń turǵyndary da «Birgemiz» qoryna rizashylyqtaryn bildirdi. Osy eki qaladaǵy 12 myńǵa jýyq otbasyǵa 620 million teńgeden astam qarjylai kómek kórsetildi. Taǵy 17 myńy osy aptada qarjylai kómek alady. «Nur Otan» partiiasy oblystyq filialy tóraǵasynyń birinshi orynbasary Oleg Chýgýnkov atap ótkendei, aqsha ekinshi deńgeidegi bankter arqyly kartaǵa nemese aǵymdaǵy shottarǵa aýdarylady. Bul rette bank komissiiasy alynbaidy jáne osy aqshadan nesie bereshegin óteý úshin ustalmaidy.
«Birgemiz» qorynan beriletin kómektiń ekinshi kezeńinde Pavlodar oblysynda qarjylai tólem alýshylardyń sany eki esege artyp, 14 myń otbasyna jetti. Bul týraly partiianyń oblystyq filialy tóraǵasynyń birinshi orynbasary Ilia Terenchenko tikelei efir barysynda aitty.
Óz kezeginde partiianyń Soltústik Qazaqstan oblystyq filialy tóraǵasynyń birinshi orynbasary Ásem Rahmetova barlyq eriktilerge aianbai atqarǵan jumystary úshin alǵys aitty.
«Ár erikti kúnine 6-7 mekenjaiǵa barady. 2 myńǵa jýyq muqtaj otbasy jeke qorǵanys quraldarymen jáne negizgi qajetti azyq-túliktermen qamtamasyz etildi. Bul jumysty partiia músheleri odan ári jalǵastyrýda. Sonymen qatar, «Birgemiz» qory Petropavldaǵy 4 myńǵa jýyq otbasyǵa 50 myń teńge kóleminde birjolǵy áleýmettik kómek aýdardy, al osy aida taǵy 8 myń muqtaj otbasy qarjylai kómek alady», - dedi ol.
Aita ketý kerek, «Nur Otan» partiiasy endi onlain-kezdesýlerdi júieli túrde ótkizýdi josparlap otyr. Bul týraly tiisti habarlandyrýlar partiia filialdarynyń áleýmettik jelilerdegi resmi akkaýnttarynda jariialanady.
