Elordada «Nur Otan» qalalyq filialynyń konferentsiiasynda máslihatqa partiialyq tizim qalyptastyrylyp, Parlament Májilisiniń partiialyq tizimine kandidattar anyqtaldy, dep habarlaidy "Ult aqparat".
Sondai-aq, qalalyq sailaýaldy baǵdarlamasy bekitilip, partiianyń XX sezine qatysý úshin delegattar sailandy, dep habarlaidy «Nur Otan» Ortalyq apparatynyń baspasóz qyzmeti.
Sonymen, eń joǵary reitingke ie praimerizge qatysýshylar qatarynan jáne filial kvotasyn eskere otyryp, qala máslihatyna 1 orynǵa 2 adam qaǵidaty boiynsha 62 kandidattan turatyn partiialyq tizim qalyptastyryldy.
Taldaý kórsetkendei, tizimdegi áielderdiń úlesi 20-dan 30% ǵa deiin, al 35 jasqa deiingi jastar 0-den 22,5%-ǵa deiin ósti. Úmitkerlerdiń ortasha jasy 9 jasqa – 52 jastan 43 jasqa deiin jasardy. Qyzmettegi 25 depýtattyń 5-i ǵana jańa partiialyq tizimge endi. Jalpy, máslihattaǵy elordalyq «Nur Otan» partiiasynyń tizimi 90 paiyzǵa jańartyldy.
Tizimde ShOB ókilderiniń úlesi basym – 32,2%, bilim berý salasy – 20,9%, densaýlyq saqtaý salasy – 11,4% jáne t.b. bar. Partiialyq tolyq tizimdi primaries.kz. saitynan kóre alasyzdar.
Konferentsiia barysynda májiliske partiialyq tizimge úmitkerler arasynda pikirsaiys ótti. Birinshi raýndta qatysýshylar ózderiniń sailaýaldy baǵdarlamalarynyń negizgi tezisterin tanystyrdy, ekinshi raýndta suraq-jaýap túrindegi pikirtalas sessiiasy ótti.
10 úmitkerdiń ishinen partiia músheleri «Praimeriz» aqparattyq júiesi arqyly qalalyq ókildik kvotasyna sáikes 5 kandidatty tańdady.
Balalar aýrýhanasynyń meńgerýshisi Larisa Pavlovets, «Atameken» UKP ókili Almaz Júnisov, «Halyqaralyq jahandyq áielder kóshbasshylyǵy» qoǵamdyq birlestiginiń jetekshisi Baltaeva Hanzada, Sybailas jemqorlyqqa qarsy is-qimyl agenttiginiń qyzmetkeri Rasýl Medetov jáne biznes ókili Baýyrjan Isabaev eń kóp daýys jinady.
Filial tóraǵasy Altai Kólginov atap ótkendei, qalanyń sailaýaldy baǵdarlamasy azamattarǵa jaily turmys jaǵdailaryn qamtamasyz etýge baǵyttalǵan naqty maqsatty indikatorlarǵa negizdelgen.
«Halyq únine qulaq asatyn memleket» tujyrymdamasy - turǵyndar men bilik arasyndaǵy turaqty dialog. Bizdiń mindetimiz - azamattardyń máselelerin estip jáne kórip qana qoimai, eń bastysy olarǵa durys jáne jedel jaýap berý. Sondyqtan qalalyq sailaýaldy baǵdarlama praimeriz kezinde turǵyndardan túsken usynystardy eskere otyryp, pysyqtaldy», - dedi Altai Kólginov.
Eske sala keteiik, buǵan deiin «Nur Otan» partiiasy óńirlik filialdardyń konferentsiia kestesin jariialaǵan bolatyn, onyń barysynda barlyq deńgeidegi máslihattarǵa partiialyq tizimder jáne ár óńirden májiliske partiialyq tizimge kandidattar anyqtalatyn bolady.
Keshe Shymkent jáne Almaty qalalarynda konferentsiia ótti. Almaty, Qaraǵandy jáne Qyzylorda oblystarynda 16 qarashada ótedi. Aqmola, Shyǵys Qazaqstan, Jambyl, Batys Qazaqstan, Túrkistan, Atyraý, Qostanai, Mańǵystaý, Pavlodar jáne Soltústik Qazaqstan oblystarynda – 17 qarashada ótedi.
Qalalyq jáne aimaqtyq konferentsiialarda kandidattar arasyndaǵy pikirsaiys praimerizdiń ekinshi deńgeii aiasynda ótkiziledi.
Partiiaishilik irikteýdiń birinshi kezeńine 10 myń kandidat qatysty. Onyń 37%-y – áielder, 29%-y — 35 jasqa deiingi jastar. Bastaýysh partiia uiymdarynan kandidattardyń 30%-y usynylsa, 70%-y — ózin-ózi usynýshylar. Úmitkerlerdiń ortasha jasy – 43 jas. Bul rette daýys berýge 662 myńnan astam partiialyq qatysty.
.jpeg)