El Prezidenti Qasym-Jomart Toqaev qoǵamdyq qabyldaýlar qyzmetin jandandyrýdy tapsyrdy, dep habarlaidy QazAqparat.
«Qoǵamdyq qabyldaýlardyń qyzmetin jandandyrý qajet. Partiianyń búkil el boiynsha 238 qoǵamdyq qabyldaý bólmesi bar, biraq olardyń jumysy onsha kórinbeidi. Sonymen birge, azamattardyń barlyq ótinishterin baqylaýǵa alyp, qatań qadaǵalap otyrý mańyzdy», - dedi Memleket basshysy «Nur Otan» partiiasynyń kezekten tys XXI sezinde.
Prezidenttiń aitýynsha, laýazymdy adamdar tarapynan ádiletsizdik nemese nemquraily qaraý baiqalsa, olardy partiialyq jaýapkershilikke tartý kerek. Bolary bolyp, boiaýy sińgesin áreket etpei, aldyn ala jumys isteý qajet.
«Jumystyń edáýir bóligin proaktivti formatqa kóshirýge bolady, iaǵni ótinimderdi taldap, aldyn ala júieli problemalardy anyqtap, olar jóninde partiia basshylyǵyna nemese Úkimetke dabyl qaǵýǵa bolady», - dedi Toqaev.
