Merki aýdanynda «Nur Otan» partiiasyn qoldaýshylar sany kún saiyn artyp keledi. Buǵan oblystyq shtab múshesi Dúisenbai Ermekovtyń issapary dálel bolǵandai. Óitkeni aýdan, aýyl turǵyndary bas partiiaǵa senim artyp, qoldaý bildirýde.
Alǵashqy kezdesý Merki aýdany, Aqtoǵan aýyldyq okrýgindegi zeinetker ustaz Almash Ábdiniń úiinde ótti.
Dúisenbai Ermekov «Esikten esikke» aktsiiasy aiasynda partiianyń atqarǵan ońdy isterine toqtalyp, Merki aýdanynan oblystyq máslihatqa depýtattyqqa úmitker Nurlan Seisenbaevqa sóz berdi. Ol - Aqtoǵan aýyldyq okrýgindegi jastar qozǵalysynyń eriktiler men jomart jandardyń bastamashysy, bastaýshysy, aqylshysy. Sondai-aq aýyldaǵy birqatar igilikti isterdiń uiymdastyrýshysy.
Nurlan Seisenbaev depýtattyqqa óz kandidattyǵyn usyna otyryp, aýyldyq jerlerde jastardy kásipke tartý, aýyldyq jerlerde oblys ákiminiń bastamasy «Qarapaiym zattar ekonomikasyn» iske asyrý barysyn túsindirdi.
Biylǵy jyly Merki aýdany Surat aýyldyq okrýgindegi pilottyq joba tabysty ótti. Endi memleketten aqsha kútpei, osy aýyl jastary áleýmettik turmys jaǵdaidy kóterý maqsatynda aýyldyqtardyń jerin igerip berip, oǵan qajetti kóshet, tuqymdaryn alýǵa, úi irgesinen tabys tabýǵa barlyq azamattarǵa, aýyldyqtarǵa múmkindik týdyrýdy qolǵa alýda.
Óz kezeginde, 40 jyldyq ustazdyq tájiribesi bar Almash apai partiianyń atqaryp jatqan jumystaryna kóńil tolatynyn aityp, aldaǵy ýaqytta aýdan, oblys atynan sailanǵan depýtattar odan ári halyqtyń jaǵdaiyn kóterýge kómek, demeý bolady dep senim bildirdi.
Budan soń shtab músheleri men úmitkerler «Jaqsylyq» sharýa qojalyǵynyń tóraǵasy Alakózov Asqardyń úiinde bolyp, keleli áńgime qurdy. Onda 90 jyldyń toqyraýy men Táýelsizdik alǵaly bolyp jatqan jaqsylyqtar týraly oi qozǵady. Sóz kezeginde Dúisenbai Ermekov óziniń atqarǵan qyzmet joly, sol kezderdegi qiynshylyǵy týraly aitsa, kezdesýde bolǵan aýyl turǵyny, aýyl qariiasy Serikbai Quralbai qazirgi halyqqa jasalyp jatqan múmkindikter: jeńildetilgen nesie, qaitarymsyz grant, salyqtan bosatý, jumyssyzdyqpen kúres, jańa ashylyp otyrǵan kásiporyndar týraly keńinen baiandady.
Biyldy jyldyń barlyq aýdandar úshin bolǵan jaǵymdy da kóptiń qoldaýyn tapqan tyń jobalardyń biri oblys ákimi Berdibek Saparbaevtyń asarlatyp úi salý dástúrin jandandyrý boldy. Árbir aýdanda áleýmettik jaǵdaiy tómen, muqtaj jandar baspanaly bolyp, qýanysh sezimderin jasyra alar emes.
Iia, Merki aýdanynyń ózinde joba aiasynda 12 shańyraq kóterilse, 250 oryndyq meshii janynan úlken ashana da kóptiń qoldaýymen paidalaýǵa berilgeli tur. Osyndai Úkimet pen halyqtyń etene bir birin túsinip jumys atqarýynyń nátijesinde azamattardyń yntymaǵy men birligi artyp, meiirimdi, qaiyrymdy isterdi atqarýǵa degen qulshynysy artýda.
Oblystyq shtab múshesi kelesi kezekte Jańatoǵan aýyldyq okrýginiń Qostoǵan aýyly turǵyndarymen kezdesýmen jalǵastyrdy.
Aýyldyń ardagerler keńesiniń tóraǵasy Temirhan Aljanbaevtyń otbasynda zeinetker ustaz, partiianyń qoǵamdyq shtab múshesi Qainarkúl Tatyǵulova, depýtattyqqa kandidat B.Qystaýovtar partiianyń halyq úshin jasaǵan igi isteri týraly áńgime dúken qurdy. Partiiaǵa senim bildiretinderin aityp, barlyq bastamalarda «Nur Otan» partiiasymen birge ekenidigin jetkizdi.
Budan soń osy aýyldyń turǵyndary Eshetov Saýytbek pen Nadyrbekov Sabyraly zeinetkerlerdiń úilerinde bolyp, úgit-nasihat jumystaryn júrgizdi.
«Nur Otan» partiiasy Jambyl oblysy, Merki aýdandyq Sailaý qorynyń qarajatynan tólendi.
