Azamattar kóbinese partiianyń filialdaryna kelip, kommertsiialyq maqsatta jer týraly aqparattyń ashyq emestigine, ruqsat alý ýaqytynyń birneshe aiǵa sozylý faktilerine jii shaǵymdanady. Bul týraly partiia Hatshysy Tamara Dúisenova Aqtóbede partiialyq jobalardyń jáne Elbasy bastamasynyń júzege asýyn baqylaý barysynda baiandady.
Sondyqtan Partiia osy jumysty kúsheitý úshin, biznesti damytýǵa arnalǵan jobalardy qolǵa alǵan. «Biznestiń geoaqparattyq onlain – servisi» partiialyq jobasy osy máselelerdi sheshýge baǵyttalǵan.
Tyń partiialyq joba alǵashqy bolyp Aqtóbede júzege asyrylýda. Búginde Aqtóbe qalasynyń biryńǵai geoaqparattyq portaly iske qosylǵan. Bul jerde bizneske qajetti aqparatty bir jerden alýǵa múmkindik beredi. Bos turǵan jer ýchaskeleri, aýktsiondar jáne olarǵa qoiylatyn talaptardy bir ǵana aqparat kózinen ala alady.
- «Biznestiń geoaqparattyq onlain – servisi» partiialyq jobasy jer telimderin alýda ashyqtyqty qamtamasyz etip, sybailas jemqorlyq jaǵdailarynyń bolýynyń aldyn alady. Qazirgi kúni «Nur Otan» osy jumysty qoǵamdyq baqylaýda ustap, Úkimetpen birlesip osyndai birikken onlain júie qurýdy jalǵastyrady, - dedi partiia Hatshysy.
Sondai-aq, Tamara Dúisenova mektepterde beriletin taǵamdardyń jaǵdaiy men sapasyn jaqsartýǵa baǵyttalǵan «Mektep ashanalaryn jańǵyrtý» jobasy aiasynda ashylǵan «Atameken» tamaqtaný kombinatynyń qyzmetimen tanysty. Qazir atalmysh kombinat Aqtóbe qalasyndaǵy 4 mekepte qyzmet kórsetip, 3 myńǵa jýyq mektep oqýshysyn tabiǵi taza ónimmen tústendirýde.
«Atameken» mekteptegi tamaqtaný kombinaty jumysymen tanysqan Tamara Dúisenova Aqtóbe qalasynyń tájiribesin respýblika boiynsha qoldaný kerektigin aitty.
Sonymen qatar, Aqtóbe oblysyna sapary barysynda partiia Hatshysy partiialyq joba boiynsha Aqtóbe politehnikalyq kolledj janynan ashylatyn IT-synyptyń jumysymen tanysty. Politehnikalyq kolledji janynan qyrkúiek aiynyń sońynda oqytý jáne qaita daiarlaý IT-ortalyǵy ashylady. Stýdentter bul jerden "Full-stack ázirleý", "Mobildi ázirleý", "Big Data Analysis", "Ákimshilik derekter" baǵyttary boiynsha bilim alady.
Munda 35 oqý kabineti, 15 zerthana, 9 sheberhana, interaktivti quraldardyń 8 kesheni, mýltimediialyq jáne lingafon kabinetteri, fizika, himiia kabinetteri, 8 kompiýterlik synyptar bar. Sondai-aq 104856 kitap qory bar kitaphana, májilis zaly, 2 sport zaly, 2 ashana jáne 110 oryndyq jataqhana da stýdentterdiń ieliginde.
