Elbasy, «Nur Otan» partiiasynyń Lideri Nursultan Nazarbaevtyń tapsyrmasy boiynsha ishki partiialyq tańdaý – praimerizdi koronavirýske bailanysty eldegi ahýal turaqtanǵannan keiin ótkizý týraly sheshim qabyldandy, dep habarlaidy "Ult aqparat".
Ortalyq apparat qazirgi kezde praimeriz ótkizý barysynda onlain-tehnologiiany paidalaný múmkindigin de pysyqtap jatyr.
Bastapqyda ishki partiialyq tańdaýdy biylǵy 30 naýryzdan bastaý josparlanǵan edi. Keiinnen ony ótkizý merzimi 15 sáýirge aýystyryldy. Bul rette Saiasi keńes otyrysyn ótkizýdiń toqtatylǵanyn eskere otyryp, praimeriz ótkizý erejesiniń jobasyn qabyldaý boiynsha daýys berý syrttai júrgizildi. Biylǵy 26 naýryzda praimeriz ótkizý erejesi bekitildi.
«Praimeriz ótkizýdi ahýal tolyq turaqtanǵanǵa deiin keiinge qaldyra turý kerek. Qazir «Nur Otan»-nyń qyzmeti tolyqtai qaita baǵdarlandy. Partiianyń barlyq resýrsy Prezident Qasym-Jomart Toqaev bastamasymen qolǵa alynǵan koronavirýspen kúres jaǵdaiynda muqtaj qazaqstandyqtarǵa kómek uiymdastyrý sharalaryna qoldaý kórsetýge baǵyttaldy», - dep atap kórsetti eldiń Tuńǵysh Prezidenti Nursultan Nazarbaev.
Elbasynyń tapsyrmasy boiynsha, «Kedergisiz keleshek», «Baqytty otbasy» jáne «Ardagerlerdi ardaqtaiyq» partiialyq jobalary aiasynda «Nur Otan» partiiasy jalǵyz basty qarttarǵa, múgedekterge jáne turmysy tómen kópbalaly otbasylarǵa ataýly kómek kórsetý úshin 150 mln. teńge baǵyttaǵanyn atap ótken jón.
Koronavirýs indetiniń taralýyna qarsy kúreske Tuńǵysh Prezident Qorynan taǵy da 200 mln. teńge bólindi.
Bólingen qarajattyń arqasynda partiia belsendileri men «Jas Otan» volonterlary kún saiyn halyqtyń áleýmettik álsiz sanattaryn antiseptika jáne gigiena quraldarymen, birinshi kezekte qajet taýarlarmen jáne basqalarmen bailanyssyz taratý jolymen qamtamasyz etýde.
Sonymen birge «Nur Otan» partiiasy Nursultan Nazarbaevtyń bastamasymen koronavirýspen kúres jaǵdaiynda muqtaj azamattarǵa qoldaý kórsetý úshin qurylǵan «Birgemiz» qoǵamdyq qoryna óziniń barlyq uiymdyq resýrsyn qaitarymsyz negizde usyndy.
.jpeg)